မိုင်ယာမီမှာညစာအတူစားရင်း အချိန်ဖြုန်းခဲ့ကြတဲ့ ဘက်ခမ်း၊ မက်ဆီနှင့် ဘူးစ်ကွတ်တို့စုံတွဲ..

အင်တာမိုင်ယာမီရဲ့ ဘောလုံးအကျော်အမော်တွေဖြစ်ကြတဲ့ ဒေးဗစ်ဘက်ခမ်း၊ မက်ဆီနှင့် ဘူးစ်ကွတ်တို့ဟာ ဖလော်ရီဒါပြည်နယ်၊ မိုင်ယာမီမှာရှိတဲ့ Hotspot Gekko မှာ ညစာအတူစားသောက်ရင်း အချိန်ကုန်ဆုံးစေခဲ့ပါတယ်။

အဆိုပါညစာစားပွဲမှာ ဒေးဗစ်ဘက်ခမ်းရဲ့ ဇနီးဖြစ်သူ ဗစ်တိုးရီးယားလည်းပါဝင်လာသလို မက်ဆီရဲ့ ချစ်ဇနီးလေး အန်တိုနီလာရိုကူဇိုလည်း ပါဝင်လာပါတယ်။ Hotspot Gekko ကို David Grutman နှင့် Bad Bunny တို့က ပူးတွဲပိုင်ဆိုင်ထားပြီး ဗစ်တိုးရီးယားရဲ့ Instagram ပုံအရ အဆိုပါညစာစားပွဲမှာ စားသောက်ဆိုင်ပိုင်ရှင်တွေလည်း ပါဝင်ခဲ့ကြောင်း သိနိုင်ပါတယ်။

ဒါ့အပြင် ဘူးစ်ကွတ်ရဲ့ချစ်သူ အယ်လီနာကလာရာလည်း အဆိုပါညစာစားပွဲမှာ ပါဝင်လာတာကို တွေ့ရပါတယ်။ ဥရောပရဲ့ဘောလုံးအကျော်အမော်တွေစုပြီး အင်တာမိုင်ယာမီမှာ အပျော်ခရီးထွက်နေတာလားလို့တောင် အောက်မေ့ရပါတယ်။ PSG မှာ ကောင်းကောင်းမပျော်ခဲ့ရတဲ့ မက်ဆီတို့စုံတွဲကတော့ မိုင်ယာမီမှာ အပျော်ကြီးပျော်နေကြပြီ ထင်ပါရဲ့..။