ရိုးရှင်းပြီး အပိုကျောက်တွေမပါဘဲ ရွှေတစ်မျိုးတည်းနှင့်ဖန်တီးထားတဲ့ ဒီလိုဒီဇိုင်းတွေဟာလည်းငယ်ရွယ်တဲ့ကောင်မလေးတွေတင်မကဘဲ သက်လတ်ပိုင်းအမျိုးသမီးတွေအတွက်ပါ သင့်တော်တဲ့ဒီဇိုင်းဖြစ်ပါတယ်။
ကြယ်ပုံစံအကွင်းကို နားရွက်ပေါ်မှာ ဒီလိုတိုက်ရိုက်မြင်နေရမယ့်ဒီဇိုင်းကလည်း အတော်လေးမိမိုက်တယ်လို့ယူဆနိုင်ပါတယ်။ များသောအားဖြင့် ဒီလိုနားကွင်းတွေကိုအဝိုင်းကြီးတွေပဲ ဝတ်လေ့ရှိကြပေမဲ့ ကြယ်ပုံစံကလည်းထူးခြားပြီး အသစ်အဆန်းဖြစ်တဲ့ဒီဇိုင်းဖြစ်ပါတယ်။
အလည်ကကျောက်အဖြူရောင်နှင့်ဘေးဖက်ကအချွန်လေးတွေကြောင့် ဒီလိုကြယ်ပုံစံနားဆွဲလေးဟာ ကြယ်ဆိုတာထက် နှင်းပွင့်လေးတွေနှင့်တူတဲ့ခံစားချက်ကိုဖြစ်စေပါတယ်။
နားကပ်သဘောကျပေမဲ့ အကြီးကြီးတွေမကြိုက်ဘူးဆိုတဲ့ ကောင်မလေးတွေစမ်းကြည့်သင့်တဲ့ ဒီဇိုင်းလေးဖြစ်ပါတယ်။ ကြယ်ပုံစံမပေါ်ဘူးလို့ထင်ရပေမဲ့ အနီးကပ်ကြည့်ရင် ကြယ်အစုအဝေးလေးတစ်ခုလိုမျိုးဖြစ်တည်နေတာကိုတွေ့နိုင်ပါတယ်။
အရွယ်အစားကြီးမားပေမဲ့ ကြယ်တွေကိုသဘောကျတတ်တဲ့သူဆိုရင်တော့ ဒီနားကပ်လေးကိုစမ်းသပ်ကြည့်သင့်ပါတယ်။ ကျောက်အဖြူအသေးလေးတွေကိုစီထည့်ထားတာကြောင့် တောက်ပပြီးတော့ ကြယ်လေးတွေအများကြီးရှိနေတဲ့ပုံပေါ်စေပါတယ်။
လူငယ်ဆန်ဆန်လေးဖြစ်တဲ့အပြင် ချိန်းကြိုးလေးပါပါတာကြောင့် အဝေးကနေကြည့်ရင် ဒီနားဆွဲလေးဟာကြယ်လေးလင်းလက်နေသလိုပုံပေါ်စေမှာဖြစ်ပါတယ်။ နားကပ်အလယ်ကအဖြူရောင်ကျောက်ကြောင့် အလှပိုပေါ်စေနိုင်ပါတယ်။
Bong I.T