Physical 100 အစီအစဥ်ဟာ တောင်ကိုးရီးယားနိုင်ငံအနှံ့က မတူညီတဲ့အားကောင်းမောင်းသန်လူတွေအများကြီးစုဝေးပြီး ခန္တာကိုယ်အင်အားကိုပြိုင်ဆိုင်ကြတဲ့ အစီအစဥ်တစ်ခုဖြစ်ပါတယ်။ နိုင်ငံတော်အဆင့် အားကစားသမားတွေကနေစပြီးတော့ နပမ်းသမားတွေ ရဲဝန်ထမ်းတွေ အစရှိတဲ့ ခန္တာကိုယ်မိမိုက်တဲ့သူတွေအများကြီး လာရောက်ပါဝင်ကြတဲ့ရှိုးဖြစ်ပါတယ်။ ဒီရှိုးကိုအနိုင်ရသူဟာ တောင်ကိုးရီးယားဝမ် ၃၀၀ မီလီယံဆုကြေးကိုရမှာဖြစ်ပါတယ်။
မကြာသေးခင်ကထုတ်လွှင့်ခဲ့တဲ့ Season 2 မှာတော့ ပါဝင်သူတွေထဲမှာ ပရိတ်သတ်တွေဟာ အံ့ဩစရာကောင်းတဲ့သူတစ်ယောက်ကိုတွေ့ခဲ့ကြပါတယ်။ နာမည်ကြီးမင်းသားတစ်ယောက်ဖြစ်တဲ့ Lee Jae Yoon ဟာ အရင်တုန်းကမမြင်ဖူးတဲ့အသွင်အပြင်ခန္တာကိုယ်နှင့် ရှိုးမှာပါဝင်လာခဲ့တာဖြစ်ပါတယ်။ မင်းသားဟာ ပွဲဦးထွက်တာကြာလာခဲ့ပေမဲ့ အရေးပါတဲ့ဇာတ်ကောင်တွေသရုပ်ဆောင်ရတာမျိုးမရှိခဲ့ပါဘူး။
ဒီရှိုးကနေတစ်ဆင့် မထင်မှတ်ထားတဲ့ခန္တာကိုယ်အနေအထားတွေကိုချပြလိုက်တဲ့အခါမှာတော့ Lee Jae Yoon ဟာပရိတ်သတ်တွေကြားမှာ အတော်လေးနာမည်ကြီးသွားခဲ့ပါတယ်။ ဒီအစီအစဥ်အပြီးမှာတော့ Lee Jae Yoon ကို ပိုကောင်းမွန်တဲ့ဇာတ်လမ်းတွေမှာ တွေ့ခွင့်ရမယ်လို့ပရိတ်သတ်တွေက မျှော်လင့်နေကြပါတယ်။
Bong I.T