Jennie နှင့် Rose ဟာ မကြာသေးခင်က ကိုယ်ပိုင်အလုပ်တွေကြောင့် နယူးယောက်မြို့ကိုသွားခဲ့ကြတာဖြစ်ပါတယ်။ နယူးယောက်မြို့မှာ အလုပ်မတူပေမဲ့အချိန်ပေးပြီး တွေ့ခဲ့ကြတဲ့အပြင် နှစ်ယောက်သားပုံလေးတွေကို ဒရာမာထဲက ဇာတ်ဝင်ခန်းတွေလိုမျိုး ရိုက်ကူးပြီး အင်စတာဂရမ်မှာပါတင်ခဲ့ကြတာဖြစ်ပါတယ်။
Gossip Girl ရဲ့နာမည်ကြီးစာသားဖြစ်တဲ့You know you love me xo xo ဆိုတဲ့စာသားကို ရေးထားတဲ့ ပို့စ်မှာ နှစ်ယောက်သားဟာ လက်ချင်းတွဲပြီးတော့ နယူးယောက်မြို့လမ်းတွေပေါ်မှာ လွတ်လွတ်လပ်လပ်လျှောက်သွားနေကြတာဖြစ်ပါတယ်။ YG နှင့်စာချုပ်ကိစ္စတွေပြီးကတည်းက BlackPink အဖွဲ့ဝင်တွေကို အတူတွဲတွေ့ရတာမျိုးမရှိတာကြောင့် စိတ်ပူနေတဲ့ ပရိတ်သတ်တွေဟာ ဒီပုံတွေကြောင့် စိတ်အေးခဲ့ရတာဖြစ်ပါတယ်။
ဂျင်းနီကတော့ Gentle Monster နှင့်ပူးပေါင်းထားတဲ့ Jentle Salon အတွက်ပွဲတက်လာတာဖြစ်ပြီးတော့ ရို့စ်ကတော့ Tiffany & Co ရဲ့ပွဲတစ်ခုကိုတက်ရောက်ဖို့ရောက်လာတာဖြစ်ပါတယ်။ ဂျင်းနီကတော့ Met Gala ပွဲကိုပါ တစ်ဆက်တည်းတက်ရောက်ခဲ့ပေမဲ့ Rose ကတော့ ကိုးရီးယားကို အလုပ်ကိစ္စကြောင့် ပြန်သွားခဲ့ပြီဖြစ်ပါတယ်။