အချစ်ခံရတဲ့လူတစ်ယောက်ဖြစ်ဖို့ဆိုရင် အရင်ဆုံးကိုယ့်ကိုယ်ကိုယ်ချစ်တတ်ဖို့လိုအပ်ပါတယ်။ ကိုယ့်ကိုယ်ကိုယ်ချစ်တတ်တဲ့လူတွေကသာ တစ်ခြားလူတွေချစ်ဖို့အဆင်ပြေတာဖြစ်ပါတယ်။ ကိုယ့်အကြောင်းနှင့်ခံစားချက်တွေကို ဂရုစိုက်ပေးပြီးတော့ ပတ်ဝန်းကျင်ကိုဂရုစိုက်တာထက် ပိုပြီး ကိုယ့်ကိုယ်ကိုယ်အလေးပေးတတ်ရပါမယ်။ လုပ်ဆောင်မှုတွေ အောင်မြင်မှုတွေကိုအသိအမှတ်ပြုပြီးတော့ ကိုယ့်ဘဝကိုအလေးအနက်ထားတန်ဖိုးထားတတ်တဲ့သူဖြစ်ဖို့လိုအပ်ပါတယ်။
ဒါ့အပြင် အချစ်ခံတတ်ဖို့အတွက် ချစ်ပေးတတ်တဲ့သူဖြစ်ဖို့လည်းလိုအပ်ပါတယ်။ ချစ်ပေးတယ်ဆိုတာကို တစ်ဖက်လူကိုအတင်းအကြပ်ထိန်းချုပ်တာလိုမျိုးလုပ်ရပ်တွေနှင့် အဓိပ္ပါယ်မဖွင့်ဘဲ မှန်ကန်တဲ့နည်းလမ်းနှင့်ချစ်ပေးတတ်ဖို့လိုအပ်ပါတယ်။ အားနည်းချက် အားသာချက်တွေကို အပြည့်အဝလက်ခံပေးပြီးတော့ ချစ်ပေးဖို့လည်းလိုအပ်ပါတယ်။
နောက်ဆုံးအနေနှင့် အချစ်ခံရဖို့ဟာ ကိုယ်တိုင်က ရင့်ကျက်တဲ့စိတ်နေစိတ်ထားရှိနေဖို့လည်းလိုအပ်ပါတယ်။ တစ်ဖက်လူတွေရဲ့ အချစ်ကိုဖော်ပြပုံကိုလက်ခံနားလည်ပြီးတော့ မှန်ကန်တဲ့တုံ့ပြန်မှုတွေပေးနိုင်အောင်လုပ်ဖို့လိုအပ်ပါတယ်။ ဒါ့အပြင် အချစ်ခံရခြင်းဟာ ကိုယ့်စိတ်ခံစားချက်နှင့်သက်ဆိုင်တာကြောင့် တစ်ယောက်တည်းရပ်တည်နိုင်နေတဲ့စိတ်ဓာတ်ရှိဖို့လည်းလိုအပ်ပါတယ်။