မိုးသည်းထန်စွာရွာသွန်းပြီး လေပြင်းတိုက်မှုကြောင့် အမိုးများလန်ကာ ပျက်စီးသွားရခဲ့တဲ့ ဒီးမော့ဆို စစ်ရှောင်စခန်းက ယာယီစာသင်ကျောင်း

ကယားပြည်နယ်အတွင်း မေလပိုင်းလောက်ကနေစတင်ပြီး အာဏာရှင်လူတစ်စုရဲ့ တပ်တွေနဲ့ ဒေသခံ ပြည်သူ့ကာကွယ်ရေးတပ်များဖြစ်တဲ့ KNDF၊ KPDF နှင့် KA တပ်များကြား ထိတွေ့တိုက်ပွဲတွေ ဖြစ်ပွားခဲ့ပါတယ်။ ယင်းတိုက်ပွဲတွေကြောင့် ဒီးမော့ဆို၊ မိုးဗြဲ စတဲ့မြို့နယ်တွေက ကျေးရွာတွေမှာ နေအိမ်တော်တော်များများ မီးလောင်ပျက်စီးသွားခဲ့ပါတယ်။ ဒါ့အပြင် ထောင်နဲ့ချီတဲ့ အပြစ်မဲ့ပြည်သူတွေလည်း ဘေးလွတ်ရာကို ထွက်ပြေးတိမ်းရှောင်နေရတာဖြစ်ပါတယ်။

တိုက်ပွဲကြောင့် ထွက်ပြေးလာတဲ့ ပြည်သူတွေထဲမှာ ကျောင်းနေအရွယ် ကလေးသူငယ်တွေပါခဲ့တာကြောင့် သူတို့အတွက် ပညာရေးကို စစ်ရှောင်စခန်းမှာ ယာယီစာသင်ကျောင်းများ ဖွင့်လှစ်ပြီး ပရဟိတဆရာ၊ဆရာမတွေက သင်ထောက်ကူများဖြင့် သင်ကြားပေးနေတာ ဖြစ်ပါတယ်။ ယခုမှာလည်း ဒီးမော့ဆိုမြို့နယ်မှာရှိတဲ့ စစ်ဘေးရှောင်စခန်းတစ်ခုရဲ့ စိတ်မကောင်း သတင်းကို ကြားသိရပါတယ်။

ဒါကတော့ စတင်ဘာလ (၂၀)ရက်နေ့က လေပြင်းများနဲ့အတူ မိုးသည်းထန်စွာရွာသွန်းမှုကြောင့် အဆိုပါ စစ်ရှောင်စခန်းမှာ ဖွင့်လှစ်ထားတဲ့ ယာယီစာသင်ကျောင်းများရဲ့ အမိုးများလန်သွားခဲ့သလို တချို့အဆောင်တွေမှာ ထိခိုက်ပျက်စီးသွားခဲ့တာ ဖြစ်ပါတယ်။ သင်ထောက်ကူပစ္စည်းလည်း မစုံလင်သလို ဆရာ၊ဆရာမ မပြည့်စုံဘဲ တောထဲတောင်ထဲမှာ ခက်ခက်ခဲခဲ ဖွင့်လှစ်ထားတဲ့ စာသင်ကျောင်းလေးကို လေဒဏ်၊မိုးဒဏ်ခံခဲ့တာကြောင့် ပြည်သူတွေကလည်း များစွာ စိတ်မကောင်းဖြစ်ခဲ့ရပါတယ်။

သတင်း အရင်းအမြစ်៖ Source - KZWN