(၅၀၅) (က) နဲ့ ဖမ်းဝရမ်းထုတ်ခံခဲ့ရပြီး ဘေးလွတ်ရာကိုတိမ်းရှောင်နေရတဲ့ မိတ်ကပ်မေဦးရဲ့ သူ့ရဲ့ချစ်သူ ဟန်လင်းတို့ဟာ လွတ်မြောက်နယ်မြေတစ်ခုကိုရောက်ရှိနေပြီး PDF တွေနဲ့ စစ်ဘေးရှောင်တွေကို အများကြီးအထောက်အကူပြုကူညီပေးနေခဲ့တာ အားလုံးမျက်မြင်ပါပဲ။ လောကမှာလူကောင်းရှိသလို လူဆိုးတွေလည်းအများကြီးရှိတာမို့ မေဦးတို့ကို ကူညီသလိုနဲ့ ချောက်ချတဲ့လူမျိုးတွေကိုလည်းကြုံခဲ့ရတဲ့ အကြောင်း သူ့ရဲ့လူမှုကွန်ယက်ကနေတဆင့် ပြောပြလာခဲ့ပါတယ်။ မတရားခံရတာဟာမေဦးတို့ဖြစ်ပေမယ့် တကယ်တမ်း အများအမြင်မှာတော့ မေဦးတို့ကသာ မတရားလုပ်သူဖြစ်ခဲ့ရကြောင်းတွေလည်း အသိပေးလာခဲ့ပါတယ်။
အထင်လွဲစရာ၊ စိတ်ညစ်စရာကိစ္စတွေအများကြီးဖြစ်ပြီးနောက် တရားကိုနတ်စောင့်တယ်ဆိုတဲ့ စကားအတိုင်း အားလုံးပြေလည်သွားခဲ့ပြီး အမှန်တကယ်မကောင်းကြံသူကိုလည်း သိရှိသွားခဲ့ပြီလို့ ဆိုပါတယ်။ လက်ရှိမှာနိုင်ငံရေးအခြေအနေတွေကြောင့် သူတို့ကိစ္စတွေကို နောက်မှပဲပရိသတ်တွေဆီ အသေးစိတ်အသိပေးမယ်လို့ဆိုလာခဲ့ပါတယ်။ ဒီစာကတော့ မတရားလုပ်သူရဲ့လုပ်ရပ်တွေ ရပ်တန်းကရပ်သွားအောင်အသိပေးတဲ့အနေနဲ့ ရေးသားတာဖြစ်ကြောင်းပြောပြလာခဲ့ပါတယ်။
ဘာအကျိုးမှမမျှော်ကိုးဘဲ ကူညီပေးကြတဲ့ ကရင်တိုင်းရင်းသားတွေရှိသလို သူတို့ကိုဗန်းပြပြီး အမြတ်ကြီးစားခေါင်းပုံဖြတ်သူတွေလည်းရှိကြောင်းနဲ့ လူအမျိုးမျိုးကိုကြုံခဲ့ရကြောင်းလည်း ပြောပြလာခဲ့ပါတယ်။ အမျိုးမျိုးသောဒုက္ခတွေကြုံခဲ့ရပေမယ့်လည်း သူတို့ကြိုးစားနေတာတွေကို ရပ်တန့်သွားမှာမဟုတ်ဘဲ ပြည်သူအားလုံးရဲ့ တစ်သားတည်းရပ်တည်သွားမယ်ဆိုတာ အားလုံးယုံကြည်ကြောင်း မှတ်ချက်တွေ အများအပြားပေးခဲ့ကြပါတယ်။
သတင်း အရင်းအမြစ်៖ May Oo's FB Acc