ချို့တဲ့လွန်းတဲ့အခြေအနေမှာတောင် လမ်းဘေးကြောင်လေးတွေကိုကျွေးမွေးပြီး အထီးကျန်ဘဝကို ဖြတ်သန်းနေရတဲ့ အဘွားအို

တစ်ကိုယ်တည်းဘဝမှာ အဖော်ပြုစရာကြောင်လေးတွေနဲ့ သူမရဲ့ဘဝကို ဖြစ်သလိုရပ်တည်နေရတဲ့ အဖွားဒေါ်အေးကြည်ကို ပရဟိတလူရွှင်တော်မိုးစက်က ယနေ့မှာသွားရောက်ကူညီပေးခဲ့ပါတယ်။ တစ်ယောက်တည်းနေတာဖြစ်လို့ အိမ်လေးဟာလည်း ဖြစ်သလိုရှုပ်ပွနေခဲ့ပြီး ကြောင်လေးတွေနဲ့အတူ ပဲပြုတ်ထမင်းစားနေရတဲ့အဖွားကိုကြည့်ပြီး စိတ်မကောင်းဖြစ်တာကြောင့် အိမ်လေးကိုရှင်းလင်းပေးမယ့် အကြောင်းလည်း အားလုံးဝမ်းသာရအောင်ပြောခဲ့ပါသေးတယ်။ အိမ်ဆိုင်လေးဖွင့်ထားခဲ့ပြီး ဆိုင်မှာလည်း ဆေးလိပ်နဲ့ ငှက်ပျောသီးကိုသာ ရောင်းချနိုင်ခဲ့ပါတယ်။

ဆွေမျိုးမရှိတဲ့တစ်ကိုယ်တည်းဘဝမှာ သူမအတွက်အဖော်ဆိုတာတော့ ကြောင်လေးတွေသာရှိပါတယ်။ လူမချမ်းသာပေမယ့် စေတနာကတော့ချမ်းသာလွန်းတာကြောင့် ကြောင်လေးတွေကို သူမ စားသလို ပဲပြုတ်နဲ့ထမင်းကျွေးကာ ပြုစုစောင့်ရှောက်ထားခဲ့ပါတယ်။ လတ်တလောမှာတော့ အဖွားသုံးစွဲဖို့အတွက် ငွေတစ်သိန်းလှူဒါန်းပေးခဲ့ပါတယ်။ အဖွားက ဒီငွေလေးကိုကိုင်ပြီး ကြောင်လေးတွေကို ကြက်သားဟင်း ချက်ကျွေးမယ့်အကြောင်းလည်း ပြောခဲ့ပါသေးတယ်။

အဖွားအတွက်လိုအပ်တာလေးတွေလုပ်ပေးချင်တာကြောင့် လူရွှင်တော်မိုးစက်က စေတနာရှင်တွေထံ အလှူခံပေးခဲ့ပါတယ်။ အဖွားဒေါ်အေးကြည်နဲ့ သူမရဲ့ချစ်စရာကြောင်လေးတွေအတွက် လှူဒါန်းချင်သူများအနေနဲ့ (09688555275 Kpay MoeZaw) နဲ့ (09688555275 Wave) အကောင့်တွေကိုငွေလွှဲပြီး လှူဒါန်းနိုင်ပါတယ်။ အဖွားအတွက်ကူညီပေးတဲ့ မိုးစက်ကိုလည်း ပရိသတ်တွေက ကျေးဇူးတင်ကြောင်းမှတ်ချက်တွေ ရေးသားကာချီးကျူးခဲ့ပါတယ်။

သတင်း အရင်းအမြစ်៖ Moe Sat's FB Acc