ကမ္ဘာပေါ်က နာမည်ကြီး ပနားမားတူးမြောင်းရဲ့ မိုင်အနည်းအကွာမှာ El Valle de Anton ဆိုတဲ့ မြို့ငယ်လေးတစ်မြို့ရှိပါတယ်။ ဒီမြို့ငယ်လေးနားက တောအုပ်ထဲမှာ မီးတောင်တစ်ခုအပြင် လာရောက်လည်ပတ်တဲ့ ခရီးသွားတွေကို စိတ်ဝင်စားအောင်ဆွဲဆောင်တဲ့ နေရာတစ်ခုရှိပါတယ်။
အဲ့ဒီနေရာလေးကတော့ လေ့ထောင့်ပုံစံသစ်ပင်လေးတွေ ပေါက်ရောက်နေရာ နေရာလေးပဲ ဖြစ်ပါတယ်။
၄င်းလေးထောင့်ပုံစံသစ်ပင်လေးတွေဟာ မီးတောင်ပေါက်ကွဲစဥ်ကထွက်ရှိခဲ့တဲ့ ချော်ရည်ပူတွေ စီးဆင်းခဲ့တဲ့မြေဆီလွှာပေါ်မှာ ပေါက်ရောက်နေတာပဲ ဖြစ်ပြီး ပုံသွင်းထားတာမရှိပဲ သဘာဝအတိုင်းလေးထောင့်ပုံစံ ဖြစ်နေတာပါ။
ဒီလိုလေးထောင့်ပုံစံရှိတဲ့ သစ်ပင်တွေဟာ ရှားပါး Cottonwood မျိုးနွယ်ထဲကဖြစ်ပြီး သစ်ပင်ရဲ့ လုံးပတ်အပြင် အတွင်းထဲက အရစ်တွေကပါ လေးထောင့်ပုံစံ ဖြစ်နေတာပဲ ဖြစ်ပါတယ်။
ဒီသစ်ပင်တွေကို အဝေးကကြည့်မယ်ဆိုရင်တော့ ပုံမှန်သစ်ပင်တွေနဲ့တူပြီး အနီးကပ်ကြည့်မှသာ လေးထောင့်ဖြစ်နေတာကို ရှင်းရှင်းလင်းလင်းမြင်တွေ့နိုင်မှာပဲ ဖြစ်ပါတယ်။
ဒါ့အပြင် ဒီနေရာလေးမှာရှိတဲ့ မီးတောင်ဟာ အချိန်မရွေးပေါက်ကွဲနိုင်ခြေရှိတာကြောင့် အမြဲနေထိုင်တဲ့သူမရှိပဲ လေ့လာသူတွေနဲ့ လည်ပတ်သူတွေသာ လာရောက်လေ့ရှိတဲ့ နေရာတစ်ခုသာဖြစ်ပါတယ်လို့ သိရပါတယ်။
သတင်း အရင်းအမြစ်៖ travelblog