ဖမ်းဆီးထိန်းသိမ်းမှုတွေ နေရာတိုင်းမှာ များပြားနေပေမယ့် ပြည်သူတွေရဲ့ စစ်အာဏာရှင် တော်လှန်ရေး သပိတ်စစ်ကြောင်းတွေကတော့ နေ့ရက်တိုင်း အားအင်အပြည့်နဲ့ထွက်ပေါ်နေကြဆဲဖြစ်ပါတယ်။ ဒီဒေးကြေငြာလိုက်ပြီးနောက်မှာ စစ်ဆေးမှုတွေနဲ့ ဖမ်းဆီးမှုတွေပိုမိုများပြားလာသလို တစ်ဖက်ကလည်း ဖောက်ခွဲမှုတွေနဲ့ ပစ်ခတ်မှုတွေ နေ့တိုင်းလိုလိုပြုလုပ်လာတာကို တွေ့ရပါတယ်။
မြို့နယ်အနှံ့မှာလည်း ဆန္ဒပြသပိတ်စစ်ကြောင်းတွေ ပြန်လည်အားကောင်းလာနေပြီး အာဏာရှင်ဆန့်ကျင်ရေးတွေကို ရောက်တဲ့နေရာတိုင်းမှာ ရသမျှနည်းလမ်းနဲ့ပြုလုပ်နေကြပြီး လူထုကလည်း အမြဲအားတက်သရောပါ၀င်နေတာဖြစ်ပါတယ် ။ ယမန်နေ့ညနေပိုင်းမှာဆိုရင်လည်း ရန်ကုန်ကလူငယ်တွေဟာ "ဘာတွေလဲ ရေဘဝဲတွေ" ဆိုတဲ့ ကြွေးကြော်သံတွေနဲ့အတူ ဆန္ဒပြသပိတ်စစ်ကြောင်းတွေ ထွက်ခဲ့ကြတာပါ။
ရေဘ၀ဲလူငယ်များ၊ မြို့နယ်သပိတ်ကော်မတီများနဲ့ တကသတွေပူးပေါင်းကာ သပိတ်စစ်ကြောင်းတွေဖော်ခဲ့ကြတာဖြစ်ပါတယ် ။ အာဏာသိမ်းပြီး (၈)လကျော်ကြာတဲ့အထိ ပြည်သူတွေဟာ အာဏာရှင်တွေကိုပြန်အံတုနိုင်ပြီး လုံး၀အုပ်ချုပ်လို့မရအောင် ပုံစံမျိုးစုံ၊ ခေါင်းစဉ်မျိုးစုံနဲ့ သွေးအေးမသွားအောင်လူထုကိုတပ်လှန့်နိုင်နေတာလည်း ဖြစ်ပါတယ်။
သတင်း အရင်းအမြစ်៖ Myanmarload
Bong I.T