ထိုင်းနိုင်ငံ Muang ခရိုင်အတွင်းမှာ အောက်တိုဘာ (၁၃) ရက်က မြေပြိုကျမှုတွေ ဆက်တိုက်ဆိုသလို ဖြစ်ပွားခဲ့ကြောင်း နိုင်ငံသတင်းများဖော်ပြလာတာတွေ့ရပါတယ်။ မြစ်ကမ်းပါးများပြိုကျခဲ့တဲ့ ကျေးရွာများဟာ Pa Sak မြစ်တစ်လျှောက်ရှိ Mu 1, Na Chang, Mueang District, Saraburi ကျေးရွာများမှာ ဖြစ်ပွားခဲ့တာလို့ ဆိုပါတယ်။
ကမ်းပါးများပြိုကျမှုကြောင့် မြစ်ကမ်းပါးတစ်လျှောက်ရှိ လူနေအိမ်အနည်းဆုံး (၃) လုံးအပြင် ဘုန်းကြီးကျောင်း တစ်ကျောင်းရှိ အဆောင်တစ်ဆောင်လည်း ပါသွားခဲ့ပြီး သက်တော် (၈၀)နှစ်ရှိတဲ့ ဘုန်းကြီးတစ်ပါးလည်း ဦးခေါင်း ထိခိုက်ဒဏ်ရာရရှိခဲ့တယ်လို့ သိရပါတယ်။ အလားတူ Sao Hai ခရိုင်၊ Saraburi ခရိုင်တွေမှာလည်း (၃) မီတာလောက် ရေတက်ခဲ့ပြီး ရေတိုက်စားမှုကြောင့် ကမ်းပါးများပြိုကျခဲ့တယ်လို့ ဆိုပါတယ်။
လက်ရှိမှာတော့ မြစ်ကမ်းပါးပြိုကျသွားတဲ့ ကျေးရွာများကို တာဝန်ရှိသူတွေက ကူညီကယ်ဆယ်ရေးတွေ လုပ်ဆောင်ပေးနေကြောင်း သိရပါတယ်။ လူမှုကွန်ယက်မှာ ဖော်ပြလာတဲ့ ရုပ်သံဖိုင်တွေအရ မြစ်ကမ်းပါးများဟာ တဖြည်းဖြည်းနဲ့ လျှောကျသွားပြီး သစ်ပင်များနှင့် အိမ်တွေကိုပါ ဆွဲချသွားတာ တွေ့ရပါတယ်။ ဒီမြင်ကွင်းတွေကတော့ ထိုင်းပြည်သူတွေကြားမှာ တုန်လှုပ်စရာလည်း ဖြစ်ခဲ့ရပါတယ်။
သတင်း အရင်းအမြစ်៖ Source - Original Upload