အားလုံးသိကြတဲ့ ဒါရိုက်တာ ကိုပေါက်ကတော့ ယခုလက်ရှိမှာ လွတ်မြောက်နယ်မြေသို့ ရောက်ရှိနေပြီး တော်လှန်ရေးအတွက် ကျရာနေရာကနေ တာဝန်ထမ်းဆောင်နေသူတစ်ဦး လည်းဖြစ်ပါတယ်။
သူဟာ အနုပညာလောကမှာလည်း အတိုင်းအတာတစ်ခုထိအောင်မြင်ပြီး ပရိတ်သတ်တွေရဲ့ ထောက်ခံမှုအပြည့်အဝရထားတဲ့ ပြည်သူချစ်အနုပညာရှင်တစ်ဦးလည်းဖြစ်ပါတယ်။
သူဟာ ပြည်သူလူထုနဲ့အတူ တစ်သားတည်းရပ်တည်ခဲ့ပြီး လူထုလှုပ်ရှားမှုတွေမှာလည်း အင်တိုက်အားတိုက်ပါဝင်ခဲ့တာကြောင့် ၅၀၅ က နဲ့ အမှုဖွင့်ခံထားရတာကြောင့် လွတ်မြောက်နယ်မြေကို ရောက်ရှိနေတာလည်း ဖြစ်ပါတယ်။
သူဟာ သူ့ရဲ့လူမှုကွန်ယက်စာမျက်နှာပေါ်ကနေ ပြည်သူတွေအတွက် အားဖြစ်စေတဲ့ စာလေးတွေ၊နောက်ပြီး သူတွေ့ကြုံရတဲ့အခက်အခဲလေးတွေ အားလုံးကို ဝေမျှပေးတတ်ပါတယ်။ဒီတစ်ခေါက် သူဝေမျှခဲ့တာကတော့ ''ကျနော် အိမ်ပြန်ချင်ပြီ '' ဆိုတဲ့ခေါင်းစဥ်လေးနဲ့ စာတစ်ပုဒ်ဝေမျှလာတာကို ပရိတ်သတ်တွေအတွက် ပြန်လည်ကူးယူ တင်ဆက်ပေးလိုက်ပါတယ်။
ဒါရိုက်တာကိုပေါက်လည်း မိသားစုနဲ့အတူ အမြန်ဆုံးပြန်တွေ့ရပါစေလို့ ထပ်ဆင့်ဆုတောင်းပေးလိုက်ပါတယ်။