John McChain Freedom 2021 ပွဲ တက်ရောက်ကာ ဆုလက်ခံရရှိခဲ့တဲ့ မြန်မာနိုင်ငံကိုယ်စားပြု ကုလသမဂ္ဂ သံအမတ်ကြီး ဦးကျော်မိုးထွန်း

အမေရိကန်နိုင်ငံ၊ဝါရှင်တန်ဒီစီမှာ ယမန်နေ့ အောက်တိုဘာ(၁၉)ရက်နေ့က ကျင်းပပြုလုပ်ခဲ့တဲ့ International Republican Institute က ဂုဏ်ပြု ချီးမြှင့်ခဲ့တဲ့ John McChain Freedom Award 2021 ကို ကုလသမဂ္ဂဆိုင်ရာ မြန်မာနိုင်ငံ သံအမတ်ကြီး ဦးကျော်မိုးထွန်းက ဂုဏ်ယူစွာတက်ရောက်ပြီး ဆုလက်ခံရရှိခဲ့ကြောင်း သတင်းများကြားသိရပါတယ်။

IRI ဟာ (၁၉၉၅)ခုနှစ်မှစ၍ Freedom Award ကို ဒီမိုကရေစီတိုးတက်မှဒအတွက် ကတိကဝတ်ပြုသော ပုဂ္ဂိုလ်များ၊ ဒီမိုကရေစီ လွတ်လပ်မှုနှင့် လူသားလွတ်မြောက်မှု ၊ ကမ္ဘာတစ်ဝန်းရှိ သန်းပေါင်းများစွာသော လူတွေအတွက် အခွင့်အလမ်းများဖန်တီးပေးခဲ့သူတွေကိုသာ ဆုချီးမြှင့်ခဲ့တာဖြစ်ပါတယ်။အဆိုပါဆုကို ဒေါ်အောင်ဆန်းစုကြည်က (၁၉၉၉)ခုနှစ်မှာ ရရှိခဲ့တယ်လို့လည်းဆိုပါတယ်။သံအမတ်ကြီး ဦးကျော်မိုးထွန်းဟာ ဖေဖော်ဝါရီ(၁)ရက်နေ့မှ စတင်ကာ မြန်မာနိုင်ငံဒီမိုကရေစီပြန်လည်ရရှိရေးအတွက် ဒီမိုကရေစီလှုပ်ရှားသူများနှင့်ပူးပေါင်းကြိုးစားဆောင်ရွက်ခဲ့ခြင်းကြောင့်ရရှိခဲ့တာဖြစ်ပါတယ်။

John McChain Freedom Award 2021 ဆုကို ကုလသမဂ္ဂဆိုင်ရာ မြန်မာနိုင်ငံ သံအမတ်ကြီး ဦးကျော်မိုးထွန်း အပြင် လစ်သူနီးယားဝန်ကြီးချုပ် Ingrida Symonyte , ဘယ်လာရုစ်နိုင်ငံရေးအကျဉ်းသားတွေအတွက်ပေါင်းစည်းညှိနှိုင်းရေးကောင်စီကိုယ်စားလှယ် Tatsiana Khomich နှင့် ကျူးဘားနှင့်ဂျာမနီအနုပညာဆုရရှိထားတဲ့ Willy Chilino တို့ကရရှိခဲ့ကြတာဖြစ်ပါတယ်။