အနုပညာနယ်ပယ်မှာ အောင်မြင်ခဲ့တဲ့ ဇာတ်ပို့သရုပ်ဆောင် ကျော်စိုးကတော့ ဒီကနေ့မှာ ချစ်တဲ့ ပရိသတ်တွေနဲ့ အနုပညာမောင်နုမတွေကို အပြီးအပိုင် နှုတ်ဆက်ထွက်ခွာသွားခဲ့ပြီ ဖြစ်ပါတယ်။ ကျော်စိုး မဆုံးပါးခင်က သေဆုံးပြီဆိုတဲ့ သတင်းအမှားတွေလည်း မကြာခဏထွက်ရှိခဲ့ပါသေးတယ်။ ယခုအမှန်တကယ် ဆုံးပါးသွားတဲ့ အချိန်မှာတော့ ချစ်ရတဲ့ သူတွေကလည်း များစွာ စိတ်မကောင်းဖြစ်ခဲ့ရပါတယ်။
အနုပညာအလုပ်တွေကို အတူတူလုပ်ကိုင်လျက်ရှိတဲ့ သရုပ်ဆောင်ကိုဘင်းကလည်း သူငယ်ချင်းဖြစ်သူ ဆုံးပါးသွားတဲ့ အပေါ်များစွာ စိတ်မကောင်းဖြစ်ပြီး ယူကျုံးမရဖြစ်နေခဲ့ပါတယ်။ "ကျော်စိုးမရေ ဒီတစ်ခါတော့ တို့တွေအားလုံးကိုမင်းတကယ် နှုတ်ဆက်ထွက်သွားခဲ့ပြီနော် " ဆိုတဲ့ ကိုဘင်းရဲ့ ဝမ်းနည်းကြေကွဲကာ ရေးသားချက်တွေကတော့ မြင်ရသူတိုင်းလည်း စိတ်မကောင်းဖြစ်ရပါတယ်။
ကိုဘင်း နှင့် ကျော်စိုးတို့နှစ်ယောက်ဟာ ဇာတ်ကားတွေမှာလည်း တွဲလုံးညီတဲ့ သရုပ်ဆောင်တွေဖြစ်ပြီး တစ်ယောက်နဲ့တစ်ယောက် အမြဲစနောက်ပြောင်နေကြတဲ့ သူငယ်ချင်းတွေပဲဖြစ်ပါတယ်။ အခြားအနုပညာမောင်နှမတွေနဲ့ ပရိသတ်တွေကလည်း ကျော်စိုးဆုံးပါးသွားတယ်ဆိုတဲ့ သတင်းများကြားသိရပြီးနောက် များစွာစိတ်မကောင်းဖြစ်ကာ ကောင်းရာမွန်ရာ ရောက်အောင်လည်း ဆုတောင်းမေတ္တာတွေ ပို့သပေးကြတာ တွေ့ရပါတယ်။
သတင်း အရင်းအမြစ်៖ Source - Ko Bean