အလှူရှင်များ လှူဒါန်းကျွေးမွေးခဲ့တဲ့ မုန့်များစားသောက်ရင်း အတိုင်းထက်အလွန် ဝမ်းသာပျော်ရွှင်နေကြတဲ့ စစ်ဘေးရှောင်ဒေသမှ ကလေးငယ်လေးများ

မြန်မာနိုင်ငံမှာ စစ်ကောင်စီဟာ အာဏာထိန်းချုပ်မှုများကို ဖေဖော်ဝါရီ(၁)ရက်နေ့မှ စတင်ပြုလုပ်ခဲ့တာဖြစ်ပါတယ်။ထိုအချိန်မှစ တိုင်းပြည်မငြိမ်သက်မှုများ ပိုမိုများပြားလာခဲ့တဲ့အတွက် အချို့ဒေသများ၌ စစ်များဖြစ်ပွားလာခဲ့ကာ စစ်ဘေးရှောင်ပြည်သူများပိုမိုများပြားလာကြပါတော့တယ်။

ယခု အရေးမတိုင်ခင်ထဲကလည်း ပြည်တွင်းစစ်များဖြစ်ပွားခဲ့တဲ့ ဒေသများရှိနေပြီး အရင်ကာလများတည်းက မြန်မာနိုင်ငံမှာ စစ်ဘေးရှောင်ပြည်သူများ ရှိခဲ့တာဖြစ်ပါတယ်။သို့ပေမယ့် ယခုကာလမှာတော့ ယခင်ထက် အရေအတွက်ပိုမိုများပြားလာခဲ့တာပဲဖြစ်ပါတယ်။စစ်ဘေးရှောင်ပြည်သူများထဲတွင် ကလေးသူငယ်များ ၊ မကျန်းမာသူများ နှင့် သက်ကြီးရွယ်အို အဘိုးအဘွားများလည်းပါဝင်နေပြီး  မြို့ပြနေပြည်သူများက ပြည်သူအချင်းချင်းပြန်လည်ကူညီနေကြရတာဖြစ်ပါတယ်။

ယခုအခါမှာ စစ်ဘေးရှောင်ဒေသရှိ ကလေးငယ်များအနေနဲ့ ပြည်သူများက ပြန်လည်လှူဒါန်းထားတဲ့ မုန့်များကို ပျော်ရွှင်စွာ စားသောက်နေကြပုံကို ပြည်သူတစ်ယောက်က ကြည်နူးပီတိဖြစ်စွာဖြင့် မှတ်တမ်းတင်လာခဲ့တာဖြစ်ပါတယ်။ကလေးငယ်များရဲ့ အပြစ်ကင်းစင်လွန်းတဲ့ ပုံလေးတွေကြည့်ရှုရင်း ပရိတ်သတ်ကြီးအနေနဲ့ ခေတ္တအမောများပြေပျောက်နိုင်အောင် ရေးသားဖော်ပြလိုက်ရပါတယ်။