အာဇာနည်လို့ ဆိုလိုက်ရင်တော့ အသံပါဝါကောင်းကောင်းနဲ့ အနုပညာ လမ်းကြောင်းပေါ်မှာ ၁၀ စုနှစ်မက ရပ်တည်လာခဲ့တဲ့ သူတစ်ဉီးပါ။ အာဇာနည်ဟာ တေးသီချင်း Album ပေါင်းများစွာကို ထွက်ရှိခဲ့ပြီး IC အဖွဲ့မှာလည်း အဖွဲ့ဝင် တစ်ဦးဖြစ်တဲ့အပြင် ပရိသတ်တွေ အားပေးကြမ်းနေတဲ့ အနုပညာရှင်တစ်ဦးပဲ ဖြစ်ပါတယ်။ အာဇာနည် ကတော့ သားလေး ၂ ယောက်နဲ့ အတူ သမီးလေး တစ်ယောက်ကိုပိုင်ဆိုင်ထားတာကြောင့် သာယာတဲ့ မိသားစုဘဝလေးကို ပိုင်ဆိုင်ထားသူ တစ်ယောက်လည်းဖြစ်ပါတယ်။
အာဇာနည် ကတော့ မြန်မာပြည်ရဲ့လက်ရှိ အခြေအနေမှာလည်း ပြည်သူနဲ့အတူ တစ်သားတည်း ရပ်တည်ခဲ့သူလည်း ဖြစ်ပါတယ်။ တွယ်တာစရာ မိသားစုနှောင်ကြိုးတွေ ရှိနေပေမယ့်လည်း အမှန်တရားဘက်က ရပ်တည်ပြီး အခုလို တိုက်ပွဲ ဝင်ခဲ့တာပဲဖြစ်ပါတယ်။ အာဇာနည်က တော်လှန်ရေးတိုက်ပွဲကြီးမှာ ရဲရဲရင့်ရင့်နဲ့ အင်တိုက်အားတိုက်ပြုလုပ်တာကြောင့် ၅၀၅ က ဖြင့် အမှုဖွင့် အရေးယူခြင်း ခံထားရတဲ့ အနုပညာရှင်တွေထဲက တစ်ယောက်လည်းဖြစ်ပါတယ်။ လတ်တလောမှာ အခက်အခဲတွေနဲ့ အန္တရာယ်တွေကြားက ရှောင်တိမ်းပုန်း ခိုနေရသူလည်း ဖြစ်ပါတယ်..။
ဒီကနေ့ အောက်တိုဘာလ (၂၇) ရက်ကတော့ အာဇာနည်တို့ ဇနီးမောင်နှံရဲ့ မင်္ဂလာသက်တမ်း ၁၈နှစ်ပြည့်တဲ့နေ့လေးပဲဖြစ်ပါတယ်။ အာဇာနည်က Anniversary နေ့လေးမှာ သူချစ်ရတဲ့ ဇနီးချောလေးရယ်၊ သားလေးတွေရယ်၊ သမီးလေးရယ်နဲ့ အတူတူရှိနေခွင့်ရတဲ့အတွက် ကျေးဇူးတင်ပြီး ဝမ်းသာပီတိဖြစ်နေတာပဲ ဖြစ်ပါတယ်။
အာဇာနည်က သူတို့မိသားစုပုံလေးတွေနဲ့အတူ "၁၈ နှစ်ပြည့်ခဲ့ပြီ ဒီနေ့ဒီအချိန်ဒီရက်မှာ မိသားစု တူတူ ရှိနေခွင့်ရတဲ့ အတွက် အရာရာကိုကျေးဇူးတင်ပါတယ်" ဆိုပြီး သူ့ရဲ့လူမှုကွန်ယက်ပေါ်မှာ ရေးသားထားတာပဲဖြစ်ပါတယ်။ သူ့ရဲ့ ပရိသတ်တွေကလည်း Happy Anniversary ပါကိုအာဇာနည် ချစ်တဲ့မိသားစုနဲ့အတူ ပျော်ရွှင်ဖွယ် နေ့ရက်ပေါင်းများစွာကို ပိုင်ဆိုင်နိုင်ပါစေဆိုပြီး ဆုတောင်းပေးထားကြပါတယ်။
Source : Zarni Myo Nyunt's Facebook Account