နိုဝင်ဘာ(၁၂)ရက် က ကိုးရီးယားနိုင်ငံရဲ့ အအောင်မြင်ဆုံးရုပ်သံဌာနဖြစ်တဲ့ SBS က ဒရမ်မာဇာတ်လမ်းတွဲ Now We Are Breaking Up ကို စတင်ထုတ်လွှင့်ပြသခဲ့ပါတယ်။ပြသပြီးပြီးချင်းမှာပဲ ဒီဇာတ်လမ်းတွဲဟာ တစ်နိုင်ငံလုံးကြည့်ရှုသူပရိတ်သတ်အများဆုံးစံချိန်ဖြင့် ပျမ်းမျှနှုန်း (6.4)% နှင့် အမြင့်ဆုံးစံချိန်ဖြစ်တဲ့ (8.4)% ကိုရရှိခဲ့တာဖြစ်ပါတယ်။
ဒီ Now We Are Breaking Up ဇာတ်လမ်းတွဲ မှာ မင်းသား Jang Ki Young နှင့် မင်းသမီး Song Hye Kyo တို့က အဓိကပါဝင်သရုပ်ဆောင်ထားကြတာဖြစ်ပါတယ်။ဇာတ်လမ်းတွဲမပြသခင် သတင်းစာရှင်းလင်းပွဲတွေမှာတည်းက သူတို့နှစ်ဦးရဲ့ Chemistry မိနေချက်ကြောင့် ပရိတ်သတ်အချို့က အလွန်စိတ်ဝင်စားနေခဲ့ကြတာဖြစ်ပြီး အချို့ပရိတ်သတ်များက သူတို့နှစ်ဦးကိုတွဲနေပြီဟု ထင်ကြေးများပေးခဲ့ကြပါသေးတယ်။
ဒီဇာတ်လမ်းတွဲဟာ အရမ်းကိုအလုပ်ကြိုးစားတဲ့ ဒီဇိုင်နာမမ နဲ့ ဓာတ်ပုံဆရာမောင်လေး နှစ်ဦးကြားကဖူးစာအကြောင်းကို ဦးတည်ထားတာလို့လည်းသိရပါတယ်။အရမ်းကို ခေတ်ဆန်ပြီး မျက်စိပစသာဒဖြစ်စေမယ့် ရိုက်ကွက်များ သာမက လက်တွေ့မှာ ကြုံလေ့ကြုံထရှိတဲ့ ချစ်ရေးချစ်ရာပြဿနာများကို အဓိကဦးစားပေးရိုက်ကူးထားတာမို့ ပရိတ်သတ်များကပါစိတ်ဝင်စားနေကြတာဖြစ်ပါတယ်။ဒါ့အပြင် ပရိတ်သတ်တွေအနေနဲ့ကလည်း မင်းသမီး Song Hye Kyo တစ်ယောက်အနေနဲ့ ဘယ်လိုသတင်းတွေထွက်လာဦးမလဲဆိုတာကိုပါ စိတ်တင်စားနေကြတာဖြစ်ပါတယ်။