နတ်လမ်းပေါ်တဲ့ ကျိုက်နဲ ရေလယ်ဘုရားပွဲမှာ လှိုင်းပုတ်ခံရမှုကြောင့် ဘုရားဖူးသူ အများအပြား သေဆုံးမှုများဖြစ်ပေါ်

မွန်ပြည်နယ် ၊ သံဖြူဇရပ်မြို့နယ်ရှိ ဝဲကလောင်းကျေးရွာနဲ့ အံခဲကျေးရွာကြားက အလွန်စည်ကားတဲ့ နေရာတစ်ခုဖြစ်တဲ့ ကျိုက်နဲရေလယ်ဘုရားပွဲ နတ်လမ်းပေါ်တဲ့နေရာမှာ ဒီကနေ့ နိုဝင်ဘာ (၂၁) ရက် မနက်ပိုင်းက လာရောက်ဘုရားဖူးသူများခဲ့ပြီး (မတော်တဆ စက်လှေတိမ်းမှောက်မှုဖြစ်ပွားခဲ့ခြင်းမဟုတ်ဘဲ) ဒီရေတက်ပြီး လှိုင်းပုတ်ခံရမှုကြောင့် လူအများအပြား ရေထဲမျောပါကာ သေဆုံးမှုဖြစ်ပွားခဲ့တယ်လို့ လူမှုရေးအသင်းများရဲ့ ဖော်ပြချက်တွေအရ စိတ်မကောင်းစွာ ကြားသိရပါတယ်။

လက်ရှိမှာတော့ ရေနစ်သေဆုံးတဲ့ ဆရာတော်တစ်ပါးအပါအဝင် ရုပ်အလောင်း(၁၄) လောင်း ဆယ်ယူရရှိထားပြီး ကျန်ပျောက်ဆုံးနေသေးတဲ့ သူတွေကိုလည်း ထပ်မံရှာဖွေးမှုများ လုပ်ဆောင်နေကြောင်း သိရပါတယ်။ လက်တလော ရေထဲမျောပါ သေဆုံးသူတွေကို ဆယ်ယူဖို့ ဒေသခံပရဟိတအဖွဲ့တွေနဲ့ လူမှုကယ်ဆယ်ရေးအသင်းတွေက ဦးဆောင်ကူညီမှုများ ပြုလုပ်ပေးနေတာပါ။

ပင်လယ်ထဲမျောပါနေရာကနေ ဆယ်ယူရရှိထားတဲ့ ရုပ်အလောင်းတချို့ကိုတော့ မွန်မြတ်စေတနာ ကျုံကဒတ်မှ သံဖြူဇရပ်ဆေးရုံသို့ ပို့ဆောင်ထားပြီဖြစ်ပါတယ်။ ဆံတော်ရှင် ကျိုက်နဲရေလယ်ဘုရားပွဲဟာ နှစ်စဉ် တန်ဆောင်မုန်းလပြည့်ကျော် (၂)ရက်နေ့ ညပိုင်းကနေ (၃)ရက်နေ့ မနက်ပိုင်းထိ စည်ကားသိုက်မြိုက်စွာ ကျင်းပလေ့ရှိတာလို့ သိရပြီး ယခုနှစ်မှာတော့ မတော်တဆမှုကြောင့် လူအများအပြားသေဆုံးခဲ့ရတဲ့အထိ ဖြစ်ပေါ်ခဲ့ပါတယ်။

သတင်း အရင်းအမြစ်៖ Source - Aung Myint Myat