ဘူဂေးရီးယားနိုင်ငံတွင် ကမ္ဘာလှည့်ခရီးသွားများလိုက်ပါလာသည့်ကားမတော်တဆဖြစ်မှုကြောင့် ကားပေါ်ပါလူအများစုသေဆုံး - Myanmarload

ဘူဂေးရီးယားနိုင်ငံတွင် ကမ္ဘာလှည့်ခရီးသွားများလိုက်ပါလာသည့်ကားမတော်တဆဖြစ်မှုကြောင့် ကားပေါ်ပါလူအများစုသေဆုံး

https://s9.kh1.co/0b/0bb64534d3f131fdc4344ba09dba10f0bedc16a0.jpg
နေ့စဉ်သတင်းများ
 24-Nov-2021 11am · 7 days ago

ဘူဂေးရီးယားနိုင်ငံတွင် ကမ္ဘာလှည့်ခရီးသွားများလိုက်ပါလာသည့်ကားမတော်တဆဖြစ်မှုကြောင့် ကားပေါ်ပါလူအများစုသေဆုံး

ယမန်နေ့ နိုဝင်ဘာလ ၂၃ ရက်နေ့က ဘူဂေရီးယားနိုင်ငံ အနောက်ပိုင်းမှာ မြောက်မက်ဆီဒိုးနီးယန်းကမ္ဘာလှည့် ခရီးသွားအများစု စီးနင်းလိုက်ပါလာတဲ့ ဘက်စ်ကားတစ်စီး မတော်တဆမှုဖြစ်ပွားခဲ့ပါတယ်။ မတော်တဆမှုကြောင့် ဘက်စ်ကားပေါ်ပါ ကမ္ဘာလှည့်ခရီးသည်များ သေဆုံးမှုဖြစ်ခဲ့ပါတယ်။ သေဆုံးမှုထဲမှာ ကလေး ၁၂ ယောက် ၊ လူကြီး အနည်းဆုံး ၄၅ ယောက်ပါဝင်တယ်လို့ သိရှိရပြီး အသက် ၄ နှစ်အရွယ် အမွှာကလေးငယ်နှစ်ဦးလည်း ပါဝင်ခဲ့တယ်လို့ သိရပါတယ်။

https://s9.kh1.co/__image/w=650,h=650,q=100/f9/f950a4fc77002569fe18374ff92b99bf1669c5df.jpg
NIKOLAY DOYCHINOV/AFP
https://s9.kh1.co/__image/w=650,h=650,q=100/61/619f2c5e40345757a7b10432798b3f3da91efea6.jpg
NIKOLAY DOYCHINOV/AFP
https://s9.kh1.co/__image/w=650,h=650,q=100/af/aff193897d0b7f7ecb14e8f2a482b3d940c368c3.jpg
NIKOLAY DOYCHINOV/AFP

အခင်းဖြစ်ပွားချိန်မှာ ဘက်စ်ကားအတွင်းရှိ လူ ၇ ဦးသာ ကားပြင်သို့မီးလောင်ဒဏ်ရာများစွာဖြင့် ထွက်လာနိုင်ခဲ့ပါတယ်။ ဒဏ်ရာရလျက်လွတ်မြောက်လာသူ ၇ ဦးကို ဆေးရုံသို့ အမြန်ဆုံး ပို့ပေးနိုင်ခဲ့ပေမယ့် ပြန်လည်သက်သာနိုင်မလားဆိုတာကိုတော့ မသိရှိရသေးပါဘူး။ ယာဉ်မတော်တဆမှုဖြစ်စဉ်မှာ အခြားကားတွေ ပါဝင်တာကို မတွေ့ရှိရဘဲ မတော်တဆမှုဖြစ်ပွားခဲ့တဲ့ ကားတစ်စီးသာ ပါဝင်နေတာကို တွေ့ရှိရပါတယ်။ မတော်တဆမှုဖြစ်ပွားခဲ့တဲ့ကားဟာ အဝေးပြေးလမ်းမအလယ်က အတားအဆီး အကာအရံ တွေကို ဝင်တိုက်ပြီးမှ မီးလောင်တာလား ။ ဝင်မတိုက်ခင်က တည်းက မီးလောင်နေတာလားဆိုတာကိုတော့ သေချာမသိရသေးပါဘူး။

ဘူဂေးရီးယားနိုင်ငံ သတင်းဌာနတွေရဲ့အဆိုအရ အဆိုပါဘက်စ်ကားဟာ အခြား ကမ္ဘာလှည့်ခရီးသွားတွေကို တင်ဆောင်လာသည့် ဘက်စ်ကား ၄ စီးနှင့် အတူ တစ်သုတ်ထဲ မောင်းနှင်လာရင်းမှ ဆီဆိုင်မှာ ဆီဝင်ဖြည့်ရင်းနောက်မှာ ကျန်ခဲ့တာလို့ သိရပါတယ်။ ဆီဝင်ဖြည့်ပြီး တစ်နာရီကြာမှာ မီးလောင်မှုဖြစ်ပွားခဲ့တာဖြစ်တယ်လို့ သတင်းထုတ်ပြန်ထားပါတယ်။

Hsu Sandar Aung
Maria Emily Hsu

ဆက်စပ်ဆောင်းပါး