ယမန်နေ့နိုဝင်ဘာလ ၂၈ ရက်နေ့မနက်ပိုင်းက ရန်ကုန် - ကျုံးမငေး ခရီးသည်တင်ယာဉ်တစ်စီး တိမ်းမှောက်မှုဖြစ်ခဲ့တာကြောင့် ယာဉ်ပေါ်ပါ ခရီးသည် ၁၀ ဦးနီးပါး ဒဏ်ရာရရှိခဲ့ပါတယ်။ ယာဉ်တိမ်းမှောက်မှု ဖြစ်ပွားခဲ့သည့်နေရာမှာ ဧရာဝတီတိုင်းဒေသကြီး ၊ ဝါးခယ်မမြို့နယ် ၊ တုံလှဲချောင်း ကျေးရွာအနီးမှာလို့ သိရပါတယ်။
ဒေသခံတွေရဲ့ အဆိုအရ ယာဉ်တိမ်းမှောက်မှုကြောင့် ခရီးသည်ယာဉ်ပေါ်ပါ အမျိုးသမီး ၇ ဦးနှင့် အမျိုးသား ၃ ဦး စုစုပေါင်း ၁၀ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။
ယာဉ်တိမ်းမှောက်မှုဖြစ်စဉ်မှာ တော်တော်ပြင်းထန်ပြီး အမျိုးသားတစ်ဦး ခြေထောက်တစ်ဖက်ပြတ်သွားသည်အထိ ဖြစ်ခဲ့တယ်လို့ မျက်မြင်တွေ့ရှိသူများရဲ့ ပြောဆိုချက်အရသိရပါတယ်။
အခြား ဒဏ်ရာရသူများကိုလည်း ဝါးခယ်မဆေးရုံကို ပို့ထားတယ်လို့ ဒေသခံများကဆိုထားပါတယ်။
ယာဉ်တိမ်းမှောက်မှုဖြစ်စဉ်နှင့်ပတ်သတ်ပြီး ယာဉ်မောင်းဖြစ်သူကိုလည်း ဖမ်းဆီးအရေးယူဖို့ အမှုဖွင့်ထားတယ်လို့ သိရပါတယ်။