မင်းသမီးချောလေး စိုးပြည့်သဇင်ကတော့ အနုပညာလောကမှာ အောင်မြင်မှုများစွာနဲ့ ရပ်တည်နေတဲ့ သူပဲဖြစ်ပါတယ်။ အနုပညာအလုပ်တွေကို ဆယ်စုနီးပါးလောက် လုပ်ကိုင်လာခဲ့ပြီး ပီပြင်အောင်သရုပ်ဆောင်မှုကြောင့်လည်း အကယ်ဒမီဆုကိုလည်း ထိုက်ထိုက်တန်တန် ရရှိခဲ့သူပါ။ လတ်တလောမှာ အနုပညာလှုပ်ရှားမှုတွေ မတွေ့ရပေမယ့် သူမရဲ့ ချစ်စရာပုံရိပ်လေးတွေကတော့ မကြာခဏဖော်ပြပေးတာ တွေ့ရပါတယ်။
စိုးပြည့်လေးက မိဘအပေါ်သိတတ်ပြီး လိမ္မာရေးခြားရှိတဲ့ သမီးလေးဖြစ်တာကြောင့် လူအများရဲ့ ချစ်ခြင်းကိုလည်း အပြည့်အဝရရှိထားသူပဲဖြစ်ပါတယ်။ အနေအေးပြီး တည်ငြိမ်ကျော့ရှင်းကာ အေးချမ်းတဲ့ ပင်ကိုယ်အလှတရားတွေကို ပိုင်ဆိုင်ထားသလို ကလေးလေးတစ်ယောက်လို ရိုးသားဖြူစင်ပြီး ချစ်စရာကောင်းတဲ့ ဟန်ပန်လေးတွေနဲ့လည်း ပရိသတ်တွေအတွက် ချစ်အားပိုစေခဲ့တယ်။
ဒီကနေ့ နိုဝင်ဘာ (၂၉) ရက်မှာတော့ မိခင်ရဲ့ မွေးနေ့လေးကို ကျရောက်ခဲ့တာကြောင့် ကြည်နူးစရာ ပုံလေးတွေနဲ့အတူ ဖွဲ့ဖွဲ့နွဲ့နွဲ့ဖြင့် ဆုတောင်းစကားဆိုထားရာမှာလည်း " Happy birthday မေကြီး….သမီးချစ်တဲ့မေမေ….အမြဲစိတ်ချမ်းသာကိုယ်ကျန်းမာနဲ့ပျော်ရွှင်ပါစေ…သမီးတို့နဲ့အတူသက်ရှည်ကျန်းမာစွာနေပေးပါနော်…..မေမေကအမြဲပျော်ပျော်နေတတ်တာမို့……နေ့ရက်တိုင်းလည်းမေမေပျော်ရွှင်ပါစေ…..မိသားစုအပေါ်မှာအမြဲဂရုစိုက်ပြီးချစ်တဲ့မေမေ….သက်ရှည်ကျန်းမာပြီး…မေမေသိချင်တဲ့..မေမေရချင်တဲ့….နိဗ္ဗာန်ချမ်းသာကိုရရှိပါစေမေမေ…..love you မေမေ " ဆိုပြီး ဆုတောင်းစကားဆိုထားတာ ဖြစ်ပါတယ်။ စိုးပြည့်ရဲ့ မိသားစုပုံရိပ်လေးတွေကတော့ တကယ့်ကိုအေးချမ်းမှုတွေနဲ့ပြည့်နေပြီး ကြည်နူးချစ်စရာကောင်းနေခဲ့တာတော့အမှန်ပါ။
သတင်း အရင်းအမြစ်៖ Source - Soe Pyae Thazin