အနုပညာနယ်ပယ်မှာ အချိန်အတိုတွင်း အောင်မြင်လာခဲ့ပြီး ပရိသတ်တွေရဲ့ချစ်ခြင်းမေတ္တာကို အပြည့်အဝရရှိထားခဲ့တဲ့ သူကတော့ ပြည်သူ့ မင်းသား ဒေါင်းပဲ ဖြစ်ပါတယ်။ ဒေါင်းဟာ အေးဆေးတည်ငြိမ်စွာ နေတတ်တဲ့သူဖြစ်သလို သရုပ်ဆောင်ပိုင်းမှာလည်း အပြစ်ပြောစရာမရှိလောက်အောင် ထူးချွန်နေသူပဲ ဖြစ်ပါတယ်။ လက်ရှိမှာတော့ ပြည်သူတွေနဲ့အတူတစ်သားတည်း ရပ်တည်ပေးခဲ့ပြီး ၅၀၅(က)ဖြင့်အမှုစွဲဆိုခံထားရတာပါ။
ဒီလိုပြည်သူတွေနဲ့အတူ တစ်သားတည်းရှိခဲ့တာကြောင့်လည်း လူအများရဲ့ လေးစားချစ်ခင်မှုတွေကို ရရှိခဲ့ပါတယ်။ ယခုမှာတော့ ဒေါင်းရဲ့ချစ် ပရိသတ်တွေ အမှတ်တရကြည့်ရှုဖို့အတွက် "ကျောက်ဖရားမှ ဧရာဝတီသို့"ဆိုတဲ့ ထိုင်းဇာတ်လမ်းတွဲလေး ရိုက်ကူးခဲ့စဥ်က ကြည်နူးချစ်စရာဖြစ်တဲ့ ဗီဒီယိုလေးတစ်ခုကို ဖော်ပြပေးချင်ပါတယ်။ ဒီဗီဒီယိုလေးကတော့ ဒေါင်းဟာ ဇာတ်ဝင်းခန်းတစ်ခုအတွက် ထိုင်းမင်းသမီးလေးနဲ့အတူ ပျော်ပျော်ပါးပါး ခြင်းလုံးခတ်လေ့ကျင့်နေတာ ဖြစ်ပါတယ်။
"ကျောက်ဖရားမှ ဧရာဝတီသို့" ဇာတ်လမ်းတွဲလေးကိုတော့ ၂၀၂၀ ခုနှစ်ကတည်းက ထိုင်းဒါရိုက်တာမှ ပုံဖော်ရိုက်ကူးခဲ့တာ ဖြစ်ပါတယ်။ ဒီဇာတ်လမ်းတွဲမှာတော့ သမိုင်းမှတ်တမ်းဝင် အငွေ့အသက်များပါဝင်ပြီး ဒေါင်း ၊ မော်လ်ဒယ် နှင်းသွေးယုအောင်အပါအဝင် ထိုင်းသရုပ်ဆောင်တွေများစွာ ပါဝင်ပြီး ရိုက်ကူးထားကြတာပဲဖြစ်ပါတယ်။ ဇာတ်ဝင်းခန်းတစ်ခုအတွက် ခြင်းလုံးခတ် လေ့ကျင့်နေကြတဲ့ ဒေါင်းနဲ့ထိုင်းမင်းသမီးတို့ရဲ့ ကြည်နူးချစ်စရာ အမှတ်တရဗီဒီယိုလေးကို ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Source - Bangkok Guide For You