Wonder Woman လို့အများကသိကြတဲ့ မင်းသမီး Gal Gadot ဟာ လက်ရှိမှာ Red Notice ဇာတ်ကားကြောင့် တစ်ဖန်ပြန်လည်ရေပန်းစားနေတာပဲဖြစ်ပါတယ်။ဒါကြောင့်မို့ သူမရဲ့ အကြောင်းအရာတစ်ချို့ကိုဒီနေ့မှာရေးသားဖော်ပြလိုက်ရပါတယ်။
Gal Gadot ကို အစ္စရေးနိုင်ငံ ၊ Petah Tikvaမြို့ ၌ (၁၉၈၅)ခုနှစ် ၊ ဧပြီ (၃၀)ရက်နေ့မှာ မွေးဖွားခဲ့တာဖြစ်ပါတယ်။နောက်ပိုင်းမှာတော့ သူမတို့တစ်မိသားစုလုံးဟာ Rosh HaAyin မြို့ကိုပြောင်းရွှေ့နေထိုင်ခဲ့ကြတာဖြစ်ပါတယ်။သူမရဲ့ မိဘတွေဟာ အင်ဂျင်နီယာနဲ့ ကျောင်းဆရာမဖြစ်ကြပြီး သူမမှာ ညီမငယ်တစ်ယောက်ရှိတာဖြစ်ပါတယ်။
သူမဟာ အရပ် (၅)ပေ (၁၀)လက်မရှိပြီး အလေးချိန် (၅၈) ကီလိုဂရမ် (၁၂၈ပေါင်) ရှိတာပဲဖြစ်ပါတယ်။သူမဟာ ငယ်စဥ် ဘဝတည်းက အနုပညာကိုဝါသနာပါခဲ့တာဖြစ်ပြီး(၂၀၀၄)ခုနှစ်မှာတော့ Miss Israel 2004 ပြိုင်ပွဲကိုဝင်ရောက်ယှဥ်ပြိုင်ခဲ့တာဖြစ်ပါတယ်။သူမဟာထိုပြိုင်ပွဲမှာအနိုင်ရရှိခဲ့ပြီး နိုင်ငံကိုယ်စားပြုအနေနဲ့ သွားရောက်ယှဥ်ပြိုင်ခဲ့ရသေးတယ်လို့လည်းသိရပါတယ်။
သူမဟာ ဥပဒေပညာနဲ့ကျောင်းပြီးထားတာဖြစ်ပြီး ဘတ်စကတ်ဘော ကစားရတာနဲ့ တင်းနစ်ဆော့ကစားရတာဟာ သူမရဲ့အကြိုက်ဆုံးအားကစားနည်းတွေဖြစ်တယ်လို့လည်းဆိုပါတယ်။Gal Gadot ဟာ (၂၀၀၈)ခုနှစ်မှာ Yaron Varasano နဲ့လက်ထပ်ခဲ့ပြီး လက်ရှိမှာ ကလေး(၃)ယောက်ပိုင်ဆိုင်ရရှိထားပြီပဲဖြစ်ပါတယ်။
သူမဟာ လက်ရှိအချိန်ထိ ဇာတ်ကားပေါင်း(၁၉)ကားသာသရုပ်ဆောင်ခဲ့တယ်ဆိုပေမယ့် Fast & Furious နဲ့ ပွဲဦးထွက်ခဲ့တဲ့အတွက် သူမဟာ ရုပ်ရှင်လောကကို စတင်ဝင်ရောက်လာစဥ်မှာပဲ ရေပန်းစားခဲ့တာဖြစ်ပါတယ်။ထို့နောက် Wonder Woman ဇာတ်ကားမှာတော့ ဇာတ်ကောင်နဲ့ သူမဟာ အင်မတန်လိုက်ဖက်ညီတဲ့အတွက် အတော်လေးအောင်မြင်မှုရရှိခဲ့တာဖြစ်ပါတယ်။လက်ရှိမှာတော့ သူမဟာ ကျရာဇာတ်ရုပ်ကိုပီပြင်ပိုင်နိုင်စွာသရုပ်ဆောင်နိုင်ခြင်းကြောင့် ပရိတ်သတ်တွေအကြားရေပန်းစားကျော်ကြားနေဆဲဖြစ်တဲ့ အနုပညာရှင်တစ်ဦးပဲဖြစ်ပါတယ်။