ဖုန်းသီရိကျော် @ Jenny လေးကတော့ နိုဝင်ဘာ ၂၈ ရက်နေ့ကပဲ အသက် ၂၄ နှစ် ပြည့်သွားခဲ့ပါတယ်။ ဖြူနု လှပလွန်းတဲ့ သူမလေးဟာ ရုပ်ရည်ချောမောရုံတင်မက စိတ်ထားပါ လှပသူတစ်ယောက် ဖြစ်ပါတယ်။
သူမရဲ့ မွေးနေ့ကို မိဘမဲ့ ဂေဟာလေးမှာ အလှူဒါနပြုရင်း သူငယ်ချင်းများနဲ့ ရိုးရှင်းစွာ ဖြတ်သန်းခဲ့ပါတယ်။ သူမဟာ ကိုယ်တိုင် လှူရုံတင်မဟုတ်ဘဲ ချစ်ရတဲ့ ပရိသတ်တွေပါ ကူနိုင် လှူနိုင်အောင် တိုက်တွန်းခဲ့ပါသေးတယ်။
သူမ သွားရောက် လှူဒါန်းခဲ့တဲ့ ဂေဟာလေးကတော့ အမှတ် ၇၀၁၊ တော်ဝင်လမ်း၊ ၃ ရပ်ကွက်၊ ရွှေပြည်သာ မြို့နယ် မှာ တည်ရှိတဲ့ မျိုးဆက်သစ်လူငယ်ဖွံ့ဖြိုးရေး ပရဟိတ ဂေဟာ ဖြစ်ပါတယ်။ အလှူရှင် အမြဲ လိုအပ်နေတာမို့ ပရိသတ်တွေအနေနဲ့ အဆင်ပြေရင် သွားရောက် လှူဒါန်းပေးကြဖို့ Jenny လေးက နှိုးဆော်ထားပါတယ်။
သူမ ကတော့ နေ့လယ်စာ တစ်နပ် လှူဒါန်းခဲ့တာ ဖြစ်ပါတယ်။ တစ်နပ်ကို ၁၂၀၀၀၀ ကျပ်ကနေ ၁၅၀၀၀၀ ကျပ် ဝန်းကျင် ကျသင့်ပါတယ်လို့ သူမရဲ့ facebook စာမျက်နှာမှာ မျှဝေခဲ့ပါတယ်။
ရိုးရှင်းလှပတဲ့ ချစ်စရာကောင်မလေးရဲ့ ပရဟိတ ပုံရိပ်လေးတွေကို ဖော်ပြပေးလိုက်ပါတယ်။ ပရိသတ်များ ကြည့်ရှုရင်း ပီတိဖြစ်နိုင်ကြပါစေ။