ဟယ်ရီကိန်းကို ချီးကျူးခဲ့တဲ့ ဆောက်ဂိတ်နှင့်နစ္စတယ်ရွိုင်း

တော့တီဟမ်စပါးတိုက်စစ်မှူး ဟယ်ရိကိန်းကတော့ တကယ်ကို ဂိုးသွင်းကောင်းတဲ့ တိုက်စစ်မှူးတစ်ယောက်ပါ။ ဟယ်ရိကိန်းက လက်ရွှေးစင် အင်္ဂလန်အတွက်လည်း အကောင်းဆုံး ခြေစွမ်းများပြသထားနိုင်သူပါ။ ဟယ်ရီကိန်းအနေနှင့် ပြီးခဲ့တဲ့ ပရီးမီးယားလိဂ်ဖလားမှာ ၂နှစ်ဆက်တိုက် ရွှေဖိနပ်ဆုရယူထားနိုင်ခဲ့ပါတယ်။ ဒါ့အပြင် ပြီးခဲ့တဲ့ ကမ္ဘာ့ဖလားခြေစစ်ပွဲအဖြစ် မော်လ်တာနှင့်ပွဲမှာ ၂ဂိုးသွင်းယူထားနိုင်ခဲ့ပါတယ်။

ဒါ့ကြောင့် ဟယ်ရီကိန်းကို အင်္ဂလန်နည်းပြ ဆောက်ဂိတ်နှင့် နာမည်ကျော်တိုက်စစ်ကသမားဟောင်း နစ္စတယ်ရွိုင်းတို့က ချီးကျူးစားဆိုခဲ့ပါတယ်။ မန်ချက်စတာယူနိုက်တက်နဲ့ရီးရဲယ်မက်ဒရစ်တိုက်စစ်မှုးဟောင်းရူ့ဗန်နစ္စရွိုင်းကဟယ်ရီကိန်းရဲ့ဂိုးသွင်းစွမ်းရည်နဲ့ဦးဆောင်မှုတွေကိုချီးကျူးလိုက်ပါတယ်။ ဟယ်ရီကိန်းနဲ့ပက်သက်ပြီးနစ္စတယ်ရွိုင်းက "ဟယ်ရီကိန်းဟာကြီးကြယ်တဲ့ဖရော်ဖက်ရှင်နယ်ကစားသမားတစ်ဦးဖြစ်ပြီးကိုယ့်ဆီကနေအမြင့်ဆုံးစွမ်းရည်တွေရရှိအောင်အလုပ်ကြိုးစားသူပါ။ သူဒါကိုကွင်းထဲမှာပြသခဲ့ပါတယ်။ စပါးအတွက်ဆိုရင်လည်းသူဟာကြီးကြယ်တဲ့ကစားသမားသာမကခေါင်းဆောင်ကောင်းတစ်ဦးပါ။ ဒါဟာအင်္ဂလန်အတွက်အလွန်ကောင်းမွန်ပါတယ်။ ဒါ့အပြင်သူဟာအံ့ဖွယ်ဂိုးသွင်းစွမ်းရည်ကိုပိုင်ဆိုင်ထားသူပါ။ကိန်းဟာသန်မာအားကောင်းတဲ့နံပါတ်ကိုးတိုက်စစ်မှုးစစ်စစ်ဖြစ်ပြီးအသင်းလိုက်စုစည်းတဲ့ကစားပုံမှာအလွန်အရေးပါတဲ့သူပါ။" လို့ချီူးကျူးသွားပါတယ်။ 

ဒါ့အပြင် အင်္ဂလန်လက်ရွေးစင်အသင်းနည်းပြဂာရက်ဆောက်ဂိတ်က " ကျွန်တော် ဟယ်ရီကိန်းကို အပြည့်အဝ ယုံကြည်မှုရှိပါတယ်။ သူ ( ဟယ်ရီကိန်း) အသက် ၂၁ နှစ်မပြည့်ခင်တည်းက ကျွန်တော်နဲ့အတူလက်တွဲခဲ့တာဖြစ်ပြီး ဟယ်ရီကိန်းဟာဘယ်အခြေနေမှာပဲဖြစ်ဖြစ်အသင်းအတွက်ပွဲရဲ့အခြေအနေကိုပြောင်းလဲနိုင်အောင် ပံပိုးပေးနိုင်သူဖြစ်ပါတယ်။ အသက် ၂၄ နှစ်ပဲရှိသေးတဲ့ ကစားသမားတစ်ယောက်ဆီက ဒီထက်သာလွန်ကောင်းမွန်တဲ့ စွမ်းဆောင်ရည်တွေကို မြင်တွေ့လာရမှာပါ " လို့ပြောခဲ့ပါတယ်။

Source - Daily Mail