ဒုတိယကမ္ဘာစစ်လက်ကျန် ဗုံးကြီးအားဖယ်ရန် လူပေါင်း(၆)သောင်းကျော်အားဘေးလွတ်ရာရွှေ့ပြောင်း

ဂျာမနီနိုင်ငံ ဖရန်ဘက်မြို့မှာ ဒုတိယကမ္ဘာစစ်လက်ကျန်ဗုံးတစ်လုံးအား ဖယ်ရှားရန်အတွက် လူပေါင်း (၆) သောင်းကျော်အား ဘေးလွတ်ရာသို့ရွေပြောင်းပေးခဲ့ရပါတယ်။ထိုဗုံးအား ဖောက်ခွဲရန် ၁ ဒသမ ၈ ကီလိုမီတာ ပတ်ဝန်းကျင်ပတ်လည်ကိုလည်း လိုက်လံရှင်းလင်းလျှက်ရှိပါတယ်။ဗုံးကြီးဟာ ၁ ဒသမ ၅ တန်လေးသော ဗြိတိန်ဗုံးတစ်လုံးဖြစ်ပါတယ်။ထိုဗုံးရဲ့ပေါက်ကွဲမှုအားဟာ တိုက်တွေကိုပါပြားပြားဝပ်သွားစေနိုင်ပါတယ်။

ဗုံးကြီးရှိသောရပ်ကွက်ဟာ ဥရောပဗဟိုဘဏ်ဥက္ကဌလည်းနေထိုင်လျှက်ရှိပြီး အခြားအကြီးတန်းအရာရှိများလည်းနေထို်င်လျှက်ရှိပါတယ်။ယင်းဗုံးကို ၂၉ ရက်နေ့ မှာတွေ့ရှိခဲ့တာဖြစ်ပြီး ဆောက်လုပ်ရေးလုပ်ငန်းခွင်ထဲမှာတွေ့ရှိခဲ့တာပါ။ထိုနေ့ညနေမှာပဲ ဗုံးကို ကျွမ်းကျင်ပညာရှင်များနဲ့ အောင်မြင်စွာ စနစ်တန်ဖြုတ်နိုင်ခဲ့ပါတယ်။

ဂျမနီနိုင်ငံဟာ ဒုတိယကမ္ဘာစစ်ပြီးခဲ့တာ နှစ်ပေါင်းခုနှစ်ကျော်ကြာပြီဖြစ်သော်လည်း နိုင်ငံထဲမှာတော့ ကြီးမားတဲ့ဗုံးကြီးတွေကို မကြာခဏတွေ့ရလေ့ရှိပါတယ်။စက်တင်ဘာ ၂ ရက်နေ့ကိုလည်းနိုင်ငံရဲ့ အနောက်ပိုင်းမှာ ဒုုတိယကမ္ဘာစစ်လက်ကျန်ဗုံးတစ်လုံးကို တွေရှိခဲ့ပြီး လူပေါင်း ၂၁၀၀၀ ကျော်ကိုအရေးပေါ်ရွေ့ပြောင်းခဲ့ရပါတယ်။ 

သတင်းအရင်းအမြစ် - Eleven media group