မိမိရင်သွေးမွေးကင်းစကလေးကို ရောင်းပြီး မော်တော်ဆိုင်ကယ်ဝယ်ခဲ့တယ့်ဖခင်

လူတွေဟာအမှားများနဲ့မကင်းပါဘူး။သို့ပေမယ့် မိမိရဲ့ပေါ့ဆမှုကြောင့် ရရှိလာတဲ့ရင်သွေးလေးကိုတော့ တာဝန်မယူတဲ့အမှားကတော့ လူ့အသိုင်းအဝိုင်းမှာ ရှက်စရာကောင်းလှပါတယ်။ကိုယ့်အမှားကနေ ရရှိလာခဲ့တယ့် ရင်သွေးတွေကို တာဝန်မယူချင်သဖြင့် စွန့်ပစ်ကြတဲ့ မိဘဦးရေတော်တော်များများ လူ့ပတ်ဝန်းကျင်မှာတွေ့မြင်နေရပါပြီ။တကယ်စိတ်မကောင်းစရာသတင်းတွေပါ။ 

ရင်သွေးငယ်ရဲ့ ဖခင်ဖြစ်သူဟာ ဖိလစ်ပိုင်နိုင်ငံ ILocos Norte ဒေသမှာနေထိုင်တာဖြစ်ပါတယ်။သူရဲ့နာမည်ကတော့ Francis Palacioလို့သိရပါတယ်။ဖခင်ဖြစ်ခဲ့သူဟာ လူငယ်အမျိုးသားတစ်ဦးဖြစ်ပြီး အသက်အရွယ်ငယ်ရွယ်သေးပါတယ်။Francis Palacio ဟာမိမိကလေးအရင်းကို အမျိုးသမီးတစ်ဦးဆီမှာ ပီဆိုငါးထောင်ခန့်နဲ့ ရောင်းချခဲ့တယ်လို့သိရပါတယ်။ကလေးငယ်ရောင်းချရသောငွေကို Francis Palacio ဟာ မော်တော်ဆိုင်ကယ်တစ်စီးဝယ်ယူခဲ့တယ်လို့သိရပါတယ်။ 

Palacio ဟာ ထိုရင်သွေးငယ်ကို သူနဲ့အတူဖော်ဖြစ်တဲ့ Lanalyn Bituin ဆိုသူ အမျိုးသမီးနဲ့ ရရှိခဲ့တာဖြစ်ပြီး ကိုယ့်ရဲ့ရင်သွေးကို ပြုစုစောင့်ရှောက်ရမယ့်အစား အခုလို ရက်ရက်စက်စက် ရောင်းချခဲ့လိုက်တာပဲဖြစ်ပါတယ်။ယခုကိစ္စကို Palacio ဟာ Lanalyn Bituin ကိုမပြောဘဲ စီစဉ်ခဲ့တာလို့လည်းသိရပါတယ်။ 

သတင်းအရင်းအမြစ်-Thit Htoo Lwin