ရေချို ပုစွန်ထုပ်ကင်နှင့်ချဉ်ငံစပ်ဆော့စ်

စားချင်စဖွယ်ဟင်းအသွယ်သွယ် ဆိုပြီး နာမည်ပေးရင်ကောင်းမလားပရိသတ်ကြီးရေ။

ဒီတခေါက် ဆိုင်မှာ စားရတာအားမရသူတွေအနေနဲ့ အိမ်မှာ မိသားစု သူငယ်ချင်းတွေနဲ့ ၀၀လင်လင်စားလို့ရတဲ့ ရေချိုပုစွန်ထုပ်ကင်နည်းလေး တင်ပေးလိုက်ပါတယ်။

ပင်လယ်စာစားသောက်ဆိုင်တွေမှာပုစွန်ကင်၊ပုစွန်ပေါင်းမှာယူစားသုံးသူတွေကိုအ့ံသြမိတာ

အမှန်ပါ။တကယ်ဆိုပုစွန်ကင်၊ပုစွန်ပေါင်းစတဲ့ ဟင်းပွဲတွေအတွက်ပေးရတဲ့တန်ဖိုးနဲ့မညီမျှဘူးလို့ထင်မိတာပါပဲ။ကိုယ်တိုင်ကင်စား၊ပေါင်းစား

တော့မပင်ပန်းပဲဝဝလင်လင်စားလို့ရတာပေါ့။

ရေချို ပုစွန်ထုပ်...........၅၀ကျပ်သား

ဆား........................အနည်းငယ်

ဟင်းချက်ဝိုင်အရက်....အနည်းငယ်

သံပုရာသီး................၁ခြမ်း

ပုစွန်တွေကိုရေဆေးသန့်စင်ပြီးဆား၊ဟင်းချက်ဝိုင်အရက်၊သံပုရာသီးညှစ်ပြီး(၁၀)မိနစ်

ခန့်အရသာနယ်ပြီးနှပ်ထားပါ။

ပုစွန်မီးကင်ရန်မီးဖိုကိုပြင်ဆင်ထားပါ။

ထိုစဉ်အတွင်းချဉ်ငံစပ်ဆော့စ်ရည်စပ်ကြရအောင်။

ငရုတ်သီးစိမ်း.............၁၅တောင့်

ကြက်သွန်ဖြူ............... ၁၀တက်

ငါးငံပြာရည်................၃ဇွန်း

သံပုရာရည်.................၃ဇွန်း

သကြားရည်................၂ဇွန်း

နံနံပင်........................အနည်းငယ်

ဇလုံတစ်ခုအတွင်းမှာငါးငံပြာရည်၊သံပုရာရည်၊သကြားရည်တို့်ကိုနှံ့နေအောင်မွှေပေးပါ။

နုပ်နုပ်စဉ်းထားတဲ့ငရုတ်သီးစိမ်း၊ကြက်သွန်ဖြူ ၊

နံနံပင်တို့ထည့်ပြီးသမအောင်မွှေပေးပါ။

ဆော့စ်ရည်လဲအသင့်ဖြစ်ပြီ၊မီးရှိန်လဲကောင်းလာပြီဆိုရင်သံဇကာခံထားသောမီးဖိုမှာပုစွန်ထုပ်တွေကိုမွှေးပြီးကျက်လာသည်အထိကင်ပေးပါ။

ကဲ ဒါဆိုရင်တော့ အရမ်းစားကောင်းတဲ့ ပုစွန်ထုပ်ကင် ရပြီပေါ့ ။

Source :Win naing Thein25