ခရီးသွားတဲ့အခါ မမေ့သင်တဲ့ အရာလေးများ

အခုဆိုရင်တော့ မိုးရာသီက ကုန်လုနီးပါး ဖြစ်နေပါပြီ။ မကြာခင်မှာပဲ ခရီးသွားရာသီကို ရောက်တော့မှာမို့ ခရီးသွားတဲ့အခါ မမေ့သင့်တဲ့ အကြောင်းအရာလေးတွေကို တင်ဆက်ချင်ပါတယ်။ တစ်ချို့ဆိုရင် အခုချိန်ကတည်းကတောင် ခရီးအတွက် စီစဉ်နေကြပြီ၊ လက်မှတ်တွေ ၀ယ်ထားပြီးကြပါပြီ။ စိတ်အပန်းဖြေဖို့ပဲဖြစ်ဖြစ်၊ ပျော်ချင်လို့ပဲဖြစ်ဖြစ်၊ အလုပ်ကိစ္စပဲ ဖြစ်ဖြစ် ဘယ်လို အကြောင်းနဲ့ပဲဖြစ်ဖြစ် ခရီးသွားတဲ့အခါ အသုံးဝင်မဲ့ အကြောင်းအရာလေးတွေကို ဖော်ပြလို်က်ပါတယ်။

ခရီးသွားတဲ့အခါ မမေ့သင့်တဲ့ အရာလေးတွေ

- စီစဉ်ထားသော လက်မှတ်ကို သေချာစွာ ထည့်ပါ။

- မဖြစ်မနေ သယ်သွားရမဲ့ အရာတွေကို စာရင်းပြုစုပြီး စီစဉ်ပါ။

- နိုင်ငံကူးလက်မှတ်၊ မှတ်ပုံတင် တို့ကိုလည်း သေချာစွာ ထည့်ပါ။

- ပစ္စည်းတွေကို သိုသိုသိပ်သိပ်နဲ့ အထုတ်အပိုး ပြင်ပါ။

ပစ္စည်းလေးတွေကို သိုသိုသိပ်သိပ်ထည့်နည်းနှင့် သယ်သွားရမဲ့ အရာလေးတွေ

- ဖိနပ်တွေနဲ့ ၀တ်ပြီးသား အဝတ်တွေ အတွက် ခရီးဆောင်အိတ်ထဲမှာ တခြားအရာတွေနဲ့ မရောဘဲ သပ်သပ်ထည့်ဖို့အတွက် သတင်းစာ၊ ကျွတ်ကျွတ်အိတ်တို့ ယူသွားသင့်ပါတယ်။

- ဖိနပ်သယ်မယ်ဆိုရင် ခရီးဆောင်အိတ်ရဲ့ အောက်ဆုံးမှာ ထည့်သင့်ပါတယ်။

- မျက်မှန်၊ နာရီ၊ ရေမွှေးပုလင်း .. တို့ကို ဘူးလေးနဲ့ဖြစ်ဖြစ် မကျိုး၊ မပျက်စီးအောင် ထည့်သင့်ပါတယ်

- တစ်ချို့ Cosmetics, Skin Care တွေကိုလည်း ဗူးအသေးလေးထဲ လိုသလောက် ပြောင်းထည့်ပြီး သယ်သွားသင့်ပါတယ်။

- တစ်ရက်၊ နှစ်ရက် ခရီးသွားရုံနဲ့ Eye shadow လိမ်းချင်တယ်ဆိုရင်လည်း နားကြပ်ဂွမ်းလေးတွေမှာ ကိုယ်သုံးချင်တဲ့ အရောင်လေးတွေကို ပွတ်ပြီး ယူသွားရင် သင့်တော်ပါတယ်။ ဗူးလိုက် သယ်စရာ မလိုတော့တာကြောင့် သယ်ရတာလဲ သက်သာပါတယ်။

- ရာသီဥတုက ခန့်မှန်းလို့ ရတဲ့ အရာမဟုတ်လို့ အဝတ်အစားကို အပူအတွက်ရော၊ အအေးအတွက်ရော တစ်စုံလောက် ပိုထည့်သွားသင့်ပါတယ်။

- Power Bank, ဖုန်းအားသွင်းကြိုး .. စတဲ့ နေ့စဉ်သုံးပစ္စည်းတွေကိုလည်း မေ့နေတာမျိုး မဟုတ်ဘဲ မဖြစ်မနေ သယ်သွားသင့်ပါတယ်။

သတင်းအရင်းအမြစ် - မင်္ဂလာပါ