ပရိသတ်များကို ကျေးဇူးတင်ကြောင်းပြောခဲ့တဲ့မွေးနေ ့ရှင် နေတိုး

ပရိသတ်ကြီးရေ အနုပညာသက်တမ်းကြာမြင့်နေပြီဖြစ်တဲ့ အကယ်ဒမီနေတိိုးဟာ မြန်မာပြည်ရဲ ့ထိပ်တန်းစာရင်းဝင်မင်းသားတစ်လက်ဖြစ်တဲ့အပြင် အခုချိန်ထိ အနုပညာလောကမှာ အောင်မြင်စွာရပ်တည်နေနိုင်တဲ့ သရုပ်ဆောင်ကောင်းတစ်ယောက်လည်းဖြစ်ပါတယ်။ ပါဝင်သရုပ်ဆောင်ရတဲ့ ဇာတ်ရုပ်တိုင်းမှာ အပိုအလိုမရှိ ပရိသတ်တွေကို တင်ဆက်နိုင်သူဖြစ်တဲ့အတွက် ပရိသတ်တွေရဲ ့အခိုင်အမာအားပေးမုှကို ရရှိထားသူပါ။ စွယ်စုံရမင်းသားဖြစ်တဲ့ နေတိုးဟာ သရုပ်ဆောင်ပို်င်းမှာသာမက သီချင်းသီဆိုခြင်း၊ပန်းချီရေးဆွဲခြင်းနဲ ့ဇာတ်ဝင်ခန်းရဲ ့ အထူးပြုလုပ်ချက်တွေအတွက် မိတ်ကပ်ပညာနဲ ့ ပြင်ဆင်ခြယ်သခြင်းတွေမှာလည်း ကျွမ်းကျင်ပိုင်နိုင်မှုရှိတဲ့သူဖြစ်ပါတယ်။

အခုချိန်ထိ အချစ်ရေးမှာ အသံမကြားသေးတဲ့ လူပျိုကြီး မင်းသားနေတိုးရဲ ့ဒီနေ ့မှာ ကျရောက်တဲ့မွေးနေ ့အတွက် ချစ်ခင်အားပေးကြတဲ့ ပရိသတ်တွေဟာ အမှတ်တရလက်ဆောင်လေးများကို ပြင်ဆင်ပေးခဲ့ကြပါတယ်။ အနုပညာရှင်တွေဟာ ပရိသတ်အားပေးမှုနဲ ့ရပ်တည်နေကြသူများဖြစ်တဲ့အတွက် ဒီလက်ဆောင်လေးတွေကတော့ မွေးနေ ့ရှင်နေတိုး အတွက် အဖိုးမဖြတ်နိုင်တဲ့ ကြည်နူးဖွယ် အမှတ်တရလက်ဆောင်လေးတွေပဲဖြစ်ပါတယ်။ ဒီအတွက် နေတိုးက

“မွေးနေ့အတွက်ပရိသတ်ကြီးအားလုံးကိုကျေးဇူးအထူးတင်ပါတယ်ခင်ဗျာ ကျွန်တော်ချစ်သော ကျွန်တော့ကိုချစ်ကြသော ပရိသတ်များအားလုံးအတွက် အနုပညာကိုဒီထက်မကကြိုးစားသွားပါမယ်လို့ သစ္စာပြုရင်း ထာဝရများအားလုံးအတွက် ထာဝရ နေတိုး” လို ့ပြောခဲ့ပါတယ်။ ရခိုင်လူမျိုးတစ်ယောက်ဖြစ်တဲ့ နေတိုးဟာ ဒီနေ ့မွေးနေ ့အလှူအနေနဲ ့ ရခိုင်အမျိုးသားလူမှုကယ်ဆယ်ရေးအသင်းကို သိန်းတစ်ရာကျော်လှူဒါန်းခဲ့တယ်လို ့လည်းသိရပါတယ်။