အပျိုရည်မပျက်ခင် ၁၀ မိနစ်အလိုကို ပြန်ပို့ပေးပါ ဆိုတဲ့ နာမည်ကြီးအဆိုတော်

လူတိုင်းဘဝမှာ နောင်တရခဲ့တဲဲ့အရာတွေတော့ ရှိဖူးကြမှာပါ ။

လူတွေထဲကလူပဲမို့ ကမ္ဘာကျော် ဆယ်လီတွေမှာလည်း ဒီလို အခိုက်အတန့်တွေရှိခဲ့ဖူးပါတယ် ။

အဆိုတော် ရီဟားနားကတော့ သူမဘဝရဲ့ နောင်တရမိတဲ့ အရာတစ်ခု ပြောင်းလဲချင်တဲ့အကြောင်းဖွင့်ဟပြောဆိုခဲ့ပါတယ် ။

ကမ္ဘာကျော် မျက်လှည့်ဆရာ ဒေးဗစ် ကိုပါဖီးလ် က သူ့ရဲ့ စွမ်းရည်တွေနဲ့ ကမ္ဘာကြီးထဲက ဘယ်နေရာကို ပို့ ပေးရမလဲလို့ မေးမြန်းရာမှာ

ရီဟားနားက ပရိတ်သတ်တွေ အံ့အားသင့်စေမယ့် အဖြေကို ဖြေလိုက်တာပါ ။

" ကျွန်တော်မနောက်ဘူးနော် ။ ဒါတကယ်ကမ်းလှမ်းတာပါ ။ ကျွန်တော် ခင်ဗျားကိုပျောက်ကွယ်သွားပြီး ကမ္ဘာတစ်နေရာမှာပေါ်လာအောင်လုပ်နိုင်တယ် ။

ခင်ဗျား ဘယ်ကိုသွားချင်လဲ ။ ပြီးတော့ ဘာကြောင့်လဲ " လို့ ဒေးဗစ်ကမေးတဲ့အခါ ရီဟားနားက ခေတ္တစဉ်းစားပြီးတော့

" ကျွန်မအပျိုရည်မပျက်ခင် ဆယ်မိနစ်အလိုအချိန်ကိုပါ ။ ပြီးတော့ ကျွန်မတကယ်တမ်းတောင်းဆိုပါတယ် " လို့ပြန်လည်ပြောကြားခဲ့ပါတယ် ။

ပထမဆုံးအကြိမ် အတူအိပ်မိတဲ့ခဏတာအတွက် နောင်တရမိကြောင်းကိုလည်းပြောခဲ့ပြီး ထိုသူကဘယ်သူလဲဆိုတာတော့မပြောခဲ့ပါဘူး ။

ရီဟားနားဟာ ဂီတလောကရဲ့ ကျော်ကြားတဲ့ ဂီတပညာရှင်တစ်ဦးဖြစ်ပြီး သူမရဲ့ အချစ်ရေးကလည်း လူစိတ်ဝင်စားခံရဆုံးစာရင်းထဲမှာပါပါတယ် ။

ခုလက်ရှိမှာတော့ ဆော်ဒီဘီလျံနာ ဟက်ဆန်ဂျမီးလ် နဲ့ တွဲခုတ်နေတဲ့ သူမဟာ ဒရိတ် ၊ ခရစ်ဘရောင်း တို့လို နာမည်ကျော်တွေနဲ့လဲ ယခင်ကတွဲခဲ့ဖူးပါတယ် ။

သတင်းအရင်းမြစ် opinion leaders media