ဘင်ဖီကာအသင်းကို အမှတ်မထင် အနိုင်ရခဲ့တဲ့ CSKA မော်စကိုအသင်း

မနက်ကယှဉ်ပြိုင်ကစားခဲ့တဲ့ ချန်ပီယံလိဂ်အုပ်စုပွဲစဉ်မှာ အိမ်ရှင်ဘင်ဖီကာအသင်းကို CSKA မော်စကိုအသင်းက ၂ ဂိုး ၁ ဂိုး နဲ့ အနိုင်ရရှိခဲ့ပြီး အဝေးကွင်းမှာအဖိုးတန်အနိုင် ၃ မှတ်ရရှိသွားခဲ့တာလည်းဖြစ်ပါတယ်။ဘင်ဖီကာအသင်းဟာ CSKA မော်စကိုအသင်းကို တောက်လျှောက်ဖိအားပေးကစားနိုင်ခဲ့ပြီး ဦးဆောင်ဂိုး ၁ ဂိုးပါ သွင်းယူနိုင်ခဲ့ပေမဲ့ CSKA မော်စကိုအသင်းရဲ့ နိုင်ပွဲရရှိအောင်တုံ့ပြန်အားဟာ ချီးကျူးဖို့ကောင်းခဲ့တာလည်းဖြစ်ပါတယ်။အုပ်စုအဆင့်မှာ မန်ယူအသင်းက အဆင့် ၁ CSKA မော်စကိုအသင်းက အဆင့် ၂ နဲ့ရပ်တည်နေတာလည်းဖြစ်ပါတယ်။

ဘင်ဖီကာအသင်းရဲ့ပွဲထွက်လူစာရင်းမှာတော့ ဆီဖာရိုဗစ် ၊ဂျုန်း ၊ ဆယ်ဗီယို ၊ဇီကိုဗစ်၊ အောဂတ်စတို ၊ ပီဇစ် စတဲ့ကစားသမားတွေကိုထည့်သွင်းအသုံးပြုခဲ့တာလည်းဖြစ်ပါတယ်။CSKA မော်စကိုအသင်းရဲ့ ပွဲထွက်လူစာရင်းမှာတော့ အိုလာနရီ ၊ဗီတင်ဟို ၊ဒီဇာကော့ ၊ဂိုလိုဗင် ၊ဝမ်ဘလွန် တို့ကို ထည့်သွင်းအသုံးပြုခဲ့တာလည်းဖြစ်ပါတယ်။ဘင်ဖီကာအသင်းကတော့ အိမ်ရှင်အသင်းဖြစ်တာနဲ့အညီ ဘောလုံးပိုင်ဆိုင်မှုအသာနဲ့ CSKA မော်စကိုအသင်းကို တောက်လျှောက်ဖိအားပေးကစားနိုင်ခဲ့တာလည်းဖြစ်ပါတယ်။

ပထမပိုင်းမှာနှစ်သင်းလုံးဂိုးမရှိသရေရလဒ်နဲ့ပြီးဆုံးခဲ့တာလည်းဖြစ်ပါတယ်။ဒုတိယပိုင်းပြန်စလို့ မိနစ်၅၀ မှာပဲ ဘင်ဖီကာအသင်းအတွက် အဖွင့်ဂိုးကို ဆီဖာရိုဗစ်က သွင်းယူပေးခဲ့တာလည်းဖြစ်ပါတယ်။၆၃ မိနစ်မှာတော့ CSKA မော်စကိုအသင်းအတွက်ချေပဂိုးကို ဗီတင်ဟိုက ပယ်နယ်တီကနေ ကန်သွင်းယူပေးခဲ့တာလည်းဖြစ်ပါတယ်။၇၁မိနစ်မှာ CSKA မော်စကိုအသင်းအတွက် ဦးဆောင်ဂိုးကို ဇာမလက်ဒီနော့ ကသွင်းယူပေးခဲ့တာလည်းဖြစ်ပါတယ်။