အန်ဖီးမှာ သရေရလဒ်သာ ရရှိခဲ့တဲ့ လီဗာပူလ်း

မနက်ကယှဉ်ပြိုင်ကစားခဲ့တဲ့ ချန်ပီယံလိဂ်အုပ်စုပွဲစဉ်မှာ လီဗာပူလ်းအသင်းနဲ့ ဆီဗီလားအသင်းတို့ဟာ တစ်ဖက် ၂ ဂိုးစီနဲ့ သရေကြခဲ့ပြီး တစ်ယောက် ၁ မှတ်ခွဲယူခဲ့ကြပါတယ်။အုပ်စုအတွင်းပြိုင်ဘက်တွေဖြစ်တဲ့ မာရီဘောနဲ့စပါးတပ်မော်စကိုအသင်းတို့ဟာ သရေရလဒ် သာရရှိခဲ့တာကြောင့် တစ်ယောက် ၁ မှတ်စီရရှိထားခဲ့တာလည်းဖြစ်ပါတယ်။ဖာမီနိုကန်သွင်းခဲ့တဲ့ ပယ်နယ်တီဟာ တိုင်ထိထွက်ခဲ့တာကြောင့် လီဗာပူလ်းအသင်းအမှတ်ဆုံးရံှူးခဲ့ရတာလည်းဖြစ်ပါတယ်။

လီဗာပူလ်းအသင်းရဲ့ပွဲထွက်လူစာရင်းမှာ ဆာလတ် ၊ ဖာမီနို ၊မာနေး ၊အမ်မီရီကန် ၊ ဟန်ဒါဆန် ၊ဝစ်နဒန် တို့ကို ထည့်သွင်းအသုံးပြုခဲ့တာလည်းဖြစ်ပါတယ်။ဆီဗီလာအသင်းရဲ့ပွဲထွက်လူစာရင်းမှာ ရီဒါ ၊ကော်ရီယာ၊ နာဗက် ၊ အန်ဇွန်ဇီ ၊ ပီဇာရို၊ ဘန်နီဂါ တို့ကိုထည့်သွင်းအသုံးပြုခဲ့တာကိုလည်းတွေ့မြင်ရပါတယ်။နှစ်သင်းလုံးဟာ ဘောလုံးပိုင်ဆိုင်မှု အသာမရရှိခဲ့ကြပေမဲ့ လီဗာပူလ်းအသင်းကတော့ ဂိုးပေါက်ခြိမ်းခြောက်မှုတွေများစွာပြုလုပ်နိုင်ခဲ့တာကိုလည်းတွေ့ရပါတယ်။

ပထမပိုင်း ၅ မိနစ်မှာ ဆီဗီလာအသင်းအတွက်အဖွင့်ဂိုးကိုတော့ ရီဒါက အနီးကပ်ကန်သွင်းယူပေးခဲ့တာလည်းဖြစ်ပါတယ်။၂၁ မိနစ်မှာတော့ လီဗာပူလ်းအသင်းအတွက်ချေပဂိုးကို မိုရီနို ရဲ့ ဖန်တီးပေးမှုကနေ ဖာမီနိုက အနီးကပ်ပိတ်သွင်းယူခဲ့တာလည်းဖြစ်ပါတယ်။၃၇ မိနစ်မှာတော့ အဝေးကစ်ကန်ချက်နဲ့အတူ ဆာလက် သွင်းယူပေးခဲ့ပြီး တစ်ဂိုးအသာနဲ့ ဦးဆောင် နိုင်ခဲ့ပါတယ်။ဖာမီနိုရဲ့ ပယ်နယ်တီကန်သွင်းချက်ဟာ တိုင်ထိထွက်ခဲ့တာကြောင့် လီဗာပူလ်းအသင်းတစ်ဂိုးနစ်နာခဲ့ရပါတယ်။ဆီဗီလာအသင်းအတွက် ချေပဂိုးကိုတော့ ၇၂ မိနစ်မှာ ကော်ရီယာက ကန်သွင်းယူပေးခဲ့တာဖြစ်ပါတယ်။