မလေးရှားကိုလက်စားချေပေးမှာလားမြန်မာယူ-18
ဆီးဂိမ်းတုန်းကအောင်သူတို့ရဲ့ယူ-22အသင်း
ကွာလာလမ်ပူမှာမလေးရှားကိုအရှုံးပေးခဲ့ရပါတယ်။
Ultra Malaysiaလို့ခေါ်တဲ့မလေးပရိသတ်အဖွဲ့က
ထိုပွဲတွင်ပြောစရာဖြစ်ခဲ့ပါတယ်။လူကြီးလူကောင်းမဆန်သော
အပြုအမူများပြုလုပ်ခဲ့တာအားလုံးအသိပါ။ကွင်းတွင်း
ကွင်းပြင်မြန်မာပရိသတ်များကျီးလန့်စာစားခဲ့ရတယ်။
တကယ်တော့ဘောလုံးဆိုတာဖြူစင်သောအားကစားနည်း
တစ်ခုပါ။အရောင်မဆိုးသင့်။ဒီနေ့ညနေမြန်မာပရိသတ်တွေကတော့
လူကြီးလူကောင်းဆန်စွာအားပေးကြမည်မှာအမှန်ပါ။
ထားတော့။ကျွန်တော်တို့ကွင်းမှာယခုမြန်မာနဲ့မလေးရှား
ပြန်တွေ့ကြပြီ။ယခုအချိန်ကအောင်သူတို့အသင်းမဟုတ်။
ဝင်းနိုင်ထွန်းတို့အသင်းဖြစ်ပါတယ်။
ဝင်းနိုင်ထွန်းတို့အတွက်ဒီပွဲမှာအနိုင်ကလွဲပြီးအခြားမရှိ။
ဆီးဂိမ်းရှုံးကြွေးကိုသူတို့ပြန်ဆပ်ပေးကြမယ်လို့လည်း
ယုံကြည်နေမိပါတယ်။မနိုင်စရာလည်းမရှိပါ။ဗီယက်နမ်က
ဒီပြိုင်ပွဲမှာအင်အားအတောင့်ဆုံးအသင်း။အဲ့ဒီအသင်းကို
အနိုင်ကန်ကာတက်လာသောမြန်မာအသင်းမလေရှားကိုဘာကြောင့်မနိုင်ရမည်နည်း။တစ်ခုပြောစရာရှိတာက
မလေးရှားကမြန်မာထက်နားရက်ပိုရထားခြင်းပင်။
မလေးရှားအသင်းမှာအက်ခရာရှာရှစ်တို့လိုဆီးဂိမ်း
စတားတွေပြန်လည်ပါဝင်လာပေမယ့်ကြောက်စရာမလိုပါ။
ဝင်းနိုင်ထွန်းတို့အသင်းမှာကပါရမီရှင်ကစားသမားများ
တစ်ပုံတစ်ခေါင်းပါဝင်နေသည်ကိုအားလုံးသိကြပါတယ်။
မလေးရှားအသင်းရဲ့ပုံစံကဆီးဂိမ်းအသင်းလို
တောင်ပံတွေကထိုးဖောက်သည့်ပုံစံဖြစ်ပါတယ်။
မြန်မာနည်းပြကြီးဘန်လာဘီကမလေးရှားနဲ့ပွဲအတွက်
ဝှက်ဖဲရှိပါတယ်လို့ထုတ်ပြောထားပါတယ်။ကျွန်တော်တို့
ဘန်လာဘီကိုယုံပါတယ်။ထပ်ပြောရရင်ဘန်လာဘီရဲ့ကောင်လေးတွေကိုလည်းယုံပါတယ်။မြန်မာအသင်းဒီနေ့ညနေအနိုင်မှလွှဲပီးအခြားမရှိ။
agu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
