ငလျင်ဒဏ်ကြောင့် မက္ကဆီကိုနိုင်ငံတွင် သေဆုံးသူ ၉၈ ဦးထိရှိလာပြီဖြစ်

မက္ကဆီကိုနိုင်ငံတွင် ငလျင်တစ်ခု လှုပ်ခတ်သွားခဲ့တာဖြစ်ပြီး ငလျင်ဒဏ်ကြောင့် သေဆုံးသူ ၉၈ ထိရှိလာခဲ့ပြီဖြစ်တယ်လို့လည်းသိရပါတယ်။စက်တင်ဘာ ၁၃ ရက်နေ့က ငလျင်ဖြစ်ပွားရာနေရာကို မက္ကဆီကို သမ္မတ Enrique Pena Nieto က သွားရောက်ကြည့်ရှုခဲ့ပြီး ငလျင်ဒဏ်ခံခဲ့ရတဲ့သူတွေကို ကူညီထောက်ပံ့ပေးသွားမည်ဖြစ်ကြောင်းကိုလည်း ပြောကြားခဲ့ပါတယ်။

ယခုဖြစ်ပွားခဲ့သည့်ငလျင်ဒဏ်ကြောင့် သေဆုံးသူ ၉၈ ဦးထိရှိလာပြီဖြစ်ကြောင်း၊ နောက်ပြီး Oaxaca ပြည်နယ် နှင့် Chiapas ပြည်နယ်တို့မှာ လူပေါင်း ၂.၃ သန်းခန့် ဘေးဒုက္ခခံခဲ့ရကြောင်း၊ ပြည်ထဲရေးဝန်ကြီးဌာန ဝန်ကြီး Osorino Chong က ပြောကြားခဲ့ပါတယ်။ဆက်လက်ပြီးသူက လက်ရှိမှာ သဘာဝဘေးဒဏ်ခံခဲ့ရတဲ့ ထို ဒေသနှစ်ခုကို လက်ရှိမှာ သွားလာရန် ခက်ခဲနေသော်လည်း ကယ်ဆယ်ရေးလုပ်ငန်းများဆောင်ရွက်နိုင်ရန်အတွက် နေရာအနှံ့ မှာ လုပ်ဆောင်နေပြီဖြစ်ကြောင်း ပြောကြားခဲ့ပါသေးတယ်။

မက္ကဆီကို နိုင်ငံမှာ စက်တင်ဘာ ၇ ရက်နေ့ ညပိုင်းအချိန်မှာ ငလျင်လှုပ်ခတ်သွားတာဖြစ်ပြီး အင်အား ရစ်ခ်တာစကေး (၈.၂ )အဆင့်ထိ ရှိခဲ့တာလည်းဖြစ်ပါတယ်။လက်ရှိမှာမက္ကဆီကို အစိုးရအနေဖြင့် ငလျင်ဒဏ်ခံခဲ့ရတဲ့ဒေသများကိုဆေးဘက်ဆိုင်ရာ ဝန်ထမ်းများကို လုံလုံလောက်လောက် စေလွှတ်ခဲ့ပါတယ်။ဒါ့အပြင်လိုအပ်တဲ့ ပစ္စည်းတွေကိုလည်း အဆက်မပြတ်ပို့ဆောင်ပေးလျက်ရှိနေတယ်လို့လည်းသိရပါတယ်။

source - china xinhua news