အဝေးကွင်းမှာ ဆိုစီဒက်အသင်းကို အနိုင်ယူခဲ့တဲ့ ရီးရဲလ်မက်ဒရစ်

မနက်ကယှဉ်ပြိုင်ကစားခဲ့တဲ့ လာလီဂါပွဲစဉ်မှာ ဆိုစီဒက်အသင်းကို ရီးရဲလ်မက်ဒရစ်အသင်း က ၃ ဂိုး ၁ ဂိုးနဲ့ အနိုင်ရရှိခဲ့ပြီး အနိုင် ၃ မှတ်ကို ရယူနိုင်ခဲ့တာလည်းဖြစ်ပါတယ်။စီရော်နယ်ဒို ၊ဘင်ဇီမာ မပါဝင်နိုင်ခဲ့ပေမဲ့ အဝေးကွင်းမှာ ရီးရဲလ်မက်ဒရစ်အသင်းက လိုအပ်နေတဲ့ အနိုင်သုံးမှတ်ကိုရယူနိုင်ခဲ့တာလည်းဖြစ်ပါတယ်။ယခုနိုင်ပွဲကြောင့် ရီးရဲလ်မက်ဒရစ်အသင်းဟာ အဆင့် ၄ နေရာမှာ ရပ်တည်နေတာလည်းဖြစ်ပါတယ်။

ဆိုစီဒက်အသင်းရဲ့ ပွဲထွက်လူစာရင်းမှာ ကာနာလက် ၊ဂျာနူဇက် ၊ ဝီလီယံ၊ အီလာရာမန်ဒီ စတဲ့ ကစားသမားတွေကို ထည့်သွင်းအသုံးပြုခဲ့တာလည်းဖြစ်ပါတယ်။ရီးရဲလ်မက်ဒရစ်အသင်းရဲ့ ပွဲထွက်လူစာရင်းမှာ အသက် ၂၀ သာရှိသေးတဲ့ လူငယ်ကစားသမား မာရိုရယ် ကို ထည့်သွင်းကစားခဲ့ပြီး အဆန်စီယို ၊ဂါရတ်ဘေးလ်း၊ မိုဒရစ် ၊အစ္စကို ၊ ကတ်စမဲရိုး၊ တို့နဲ့ ပွဲထွက်လာခဲ့တာလည်းဖြစ်ပါတယ်။ဆိုစီဒက်အသင်းဟာ အိမ်ကွင်းမှာရီးရဲလ်မက်ဒရစ်အသင်းကို မာမာထန်ထန် တုံ့ပြန်ကစားခဲ့ပေမဲ့ ရီးရဲလ်မက်ဒရစ်အသင်းက ရရှိလာတဲ့ အခွင့်အရေးကို အကောင်းဆုံးအသုံးချနိုင်ခဲ့တာလည်းဖြစ်ပါတယ်။

ရီးရဲလ်မက်ဒရစ်အသင်းအတွက် အဖွင့်ဂိုးကိုတော့ ၁၈ မိနစ်မှာ မာရိုရယ်က သွင်းယူပေးခဲ့တာလည်းဖြစ်ပါတယ်။၂၈ မိနစ်မှာတော့ ဆိုစီဒက်အသင်းအတွက် ချေပဂိုးကို ရိုဒရီဂွက်က ကန်သွင်းယူပေးခဲ့တာလည်းဖြစ်ပါတယ်။၃၆ မိနစ်မှာတော့ မာရိုရယ်ရဲ့ ဖြတ်တင်ပေးမှုကနေ ဆိုစီဒက်ကစားသမား ရိုဒရီဂွက်က ကိုယ့်ဂိုးကို သွင်းယူခဲ့တာလည်းဖြစ်ပါတယ်။ပထမပိုင်းအပြီးမှာ ရီးရဲလ်မက်ဒရစ် အသင်းက ၂ ဂိုး ၁ ဂိုးနဲ့ ဦးဆောင်ခဲ့တာလည်းဖြစ်ပါတယ်။ဒုတိယပိုင်းပြန်စလို့ ၆၁ မိနစ်မှာ ရီးရဲလ်မက်ဒရစ်အသင်းအတွက် အနိုင်သေချာစေမဲ့ဂိုးကို ဂါရတ်ဘေလ်း ကသွင်းယူပေးခဲ့တာလည်းဖြစ်ပါတယ်။