ချန်ပီယံလိဂ်မှာ ရှက်တာဒိုးနက်ကို အနိုင်ယူအုံးမှာလား မန်စီးတီး(ပွဲကြိုသုံးသပ်ချက် )

မနက် ၁း၁၅ မှာ ယှဉ်ပြိုင်ကစားမဲ့ ချန်ပီယံလိဂ်ပွဲစဉ်မှာ မန်စီးတီးအသင်းက ရှက်တာဒိုးနက်အသင်းကို အိမ်ကွင်းအီတီဟတ်မှာ ဧည့်ခံကစားရမှာလည်းဖြစ်ပါတယ်။နှစ်သင်းစလုံးဟာ ရမှတ် ၃ မှတ်စီနဲ့ အုပ်စုထိပ်ဆုံးမှာ ရပ်တည်နေကြတာလည်းဖြစ်ပါတယ်။မန်စီးတီးအသင်းဟာ အုပ်စုတွင်းပြိုင်ဘက် ဖီယင်နုကို အနိုင်ကစားထားခဲ့တာဖြစ်ပြီး ရှက်တာဒိုးနက်အသင်းက တော့ နာပိုလီအသင်းကို အနိုင်ကန်ထားတာလည်းဖြစ်ပါတယ်။

မန်စီးတီးရဲ့နောက်ဆုံး ငါးပွဲရလဒ်မှာတော့ ငါးပွဲလုံး ဂိုးပြတ်အနိုင်ရရှိထားတဲ့ ရလဒ်ကောင်းကို ပိုင်ဆိုင်ထားတဲ့ အသင်းလည်းဖြစ်ပါတယ်။ရှက်တာဒိုးနက်အသင်းရဲ့ နောက်ဆုံးငါးပွဲရလဒ်မှာတော့ ၄ ပွဲနိုင် ၁ ပွဲသရေရလဒ်ကို ပိုင်ဆိုင်ထားတာကိုလည်းတွေ့မြင်ရပါတယ်။မန်စီးတီးအသင်းရဲ့ တိုက်စစ်ကကောင်းမွန်နေတာကြောင့် ရှက်တာဒိုးနက်အသင်း ကိုအနိုင်ကန်သွားမယ်လို့ ထင်မြင်မိပေမဲ့ နာပိုလီကို အနိုင်ကန်သွားတဲ့ ရှက်တာ အသင်းရဲ့ ခြေစွမ်းကိုမေ့ဖျောက်ထားလို့မရနိုင်ပါဘူး။

မန်စီတီးအသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ အဂူရို၊ ဂျီဆပ်၊ ဘာနန်ဒိုဆေးဗာလ်း၊ ဒီဘရူနီ၊ ဆေးဗာလ်း၊ ဖာနန်ဒင်ဟို တို့ကိုထည့်သွင်းအသုံးပြုသွားဖွယ်ရှိနေတာလည်းဖြစ်ပါတယ်။ရှက်တာဒိုးနက်အသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ ဖာရေရာ၊ ဘားနတ်၊ တိုင်ဆန်၊ မာလော့၊ စတင်ပန်နန်ကို၊ ဖရတ် တို့ကို ထည့်သွင်းအသုံးပြုသွားဖွယ်ရှိနေတာလည်းဖြစ်ပါတယ်။မန်စီးတီးအသင်းကပဲ နိုင်ပွဲဆက်သွားမလား၊ ရှက်တာဒိုးနက်အသင်းကပဲ မဖြစ်နိုင်တဲ့ ရလဒ်ကို လုပ်ဆောင်သွားအုံးမလားဆိုတာတော့ စိတ်ဝင်စားဖွယ်ကောင်းနေတာလည်းဖြစ်ပါတယ်။