မိုနာကိုအသင်းအတွက် ပေါ်တိုအသင်းက အဟန့်အတားဖြစ်စေမှာလား(ပွဲကြိုသုံးသပ်ချက် )

မနက် ၁ း ၁၅ မှာ ယှဉ်ပြိုင်ကစားမဲ့ ချန်ပီယံလိဂ်ပွဲစဉ်မှာ မိုနာကိုအသင်းက ပေါ်တိုအသင်းကို အိမ်ကွင်းမှာ လက်ခံကစားရမှာလည်းဖြစ်ပါတယ်။မိုနာကိုအသင်းဟာ အရင်ပွဲက လိုက်ဇစ် အသင်းနဲ့ သရေကျခဲ့တာလည်းဖြစ်ပါတယ်။ပေါ်တိုအသင်းကတော့ ဘတ်ဆစ်တပ် အသင်းကို ရှုံးနိမ့်ထားတာလည်းဖြစ်ပါတယ်။အုပ်စုတွင်းပြိုင်ဘက်ဖြစ်တဲ့ လိုက်ဇစ် နဲ့ ဘတ်ဆစ်တပ်အသင်း ဟာလည်းတွေ့ဆုံနေခဲ့ပြီဖြစ်ပါတယ်။

မိုနာကိုအသင်းရဲ့နောက်ဆုံးငါးပွဲရလဒ်မှာတော့ ၃ ပွဲနိုင် ၁ ပွဲရှုံး ၁ ပွဲသရေ ရလဒ်ကို ပိုင်ဆိုင်ထားတာလည်းဖြစ်ပါတယ်။ပေါ်တိုအသင်းရဲ့နောက်ဆုံးငါးပွဲရလဒ်မှာတော့ ၄ ပွဲနိုင် ၁ ပွဲရှုံး ရလဒ်ကို ပိုင်ဆိုင်ထားခဲ့တာလည်းဖြစ်ပါတယ်။ခြေရည်တူနှစ်သင်းတွေ့ဆုံနေတာဖြစ်ပြီး အိမ်ရှင်ဖြစ်တဲ့ မိုနာကို အသင်းဟာ အနည်းငယ်သာတယ်လို့ထင်ရပေမဲ့ ပေါ်တိုအသင်းရဲ့ ချန်ပီယံလိဂ်အတွေ့အကြုံဟာ မိုနာကို အသင်းထက် ပိုမိုသာနေတာကိုလည်းတွေ့မြင်ရပါတယ်။

မိုနာကိုအသင်းရဲ့ဖြစ်နိုင်ဖွယ်ပွဲထွက်လူစာရင်းမှာတော့ ယိုဗီတစ်၊ ဖယ်ကာအို၊ ဖာဘင်ဟို၊ လိုပတ်၊ သောမက်လီမာ၊ တီယာလီမန်း တို့ကိုထည့်သွင်းအသုံးပြုသွားဖွယ်ရှိနေတာလည်းဖြစ်ပါတယ်။ပေါ်တိုအသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ မာရီဂါ၊ အဘူဘာကာ၊ ဟာရဲဟား၊ ရီယက်၊ ကိုရိုနာ၊ ဘရာဟီမီ တို့ကို ထည့်သွင်းအသုံးပြုသွားဖွယ်ရှိနေတာလည်းဖြစ်ပါတယ်။အိမ်ရှင်အသင်းကပဲ လိုအပ်နေတဲ့အနိုင်သုံးမှတ်ကိုရယူနိုင်မလား၊ ပေါ်တိုအသင်းက ပဲ အဝေးကွင်းမှာ အနိုင်ယူသွားမလားဆိုတာတော့ စောင့်ကြည့်ရမယ်ဗျာ။