ဂျပန်ဆောင်းကိုမမှုတဲ့စိုးမြတ်မင်း
ဖိုးခွားလို့ချစ်စနိုးခေါ်ကြတဲ့စိုးမြတ်မင်းဂျပန်မှာ
ဘောလုံးပညာရပ်တွေကိုသင်ကြားနေပါတယ်။
စိုးမြတ်မင်းဟာနေရှင်နယ်လိဂ်ကိုယ်စားပြု
နည်းပြတစ်ယောက်အနေနဲ့နည်းပြပညာရပ်တွေကို
သင်ကြားဖို့နိပွန်ပြည်ကိုရောက်နေခဲ့တာပဲဖြစ်ပါတယ်။
ဂျပန်မှာဒီချိန်ဆိုအရမ်းအေးနေပါပြီ။
ခိုက်ခိုက်တုန်အောင်အေးလှတဲ့ဂျပန်ဆောင်းကိုစိုးမြတ်မင်း
မမှုပါဘူး။
သူငယ်ချင်းတွေဖြစ်တဲ့ဘိုဘိုအောင်၊ရဲဝင့်သူစသူတို့
အနွေးထည်လေးတွေဝတ်ပြီးဂျပန်ဆောင်းကိုအံတုနေချိန်မှာ
သူကတော့လက်ပြတ်လေးနဲ့ပါ။ဖိုးခွားပဲများနေတာလား
အနွေးထည်ဝတ်ဖို့မေ့ခဲ့တာလားဆိုတော့သူပဲသိမှာပါ။
ဘယ်လိုပဲဆိုဆိုအရမ်းအေးတဲ့ဂျပန်မှာတော့
ကျန်းမာရေးဂရုစိုက်စေချင်ပါတယ်။
စိုးမြတ်မင်းရန်ကုန်ကိုအမြန်ပြန်လာမှတော့ရမှာပါ။
ဘာလို့လဲဆိုတော့သူ့အသင်းဖြစ်တဲ့ရှမ်းကရန်ကုန်နဲ့
ပွဲမှာရလဒ်မကောင်းခဲ့ဘူးမဟုတ်လား။
ဒါပေမယ့်ဂျပန်သင်တန်းကရက်တိုဖြစ်လို့
သူမကြာခင်မှာပြန်လာတော့မှာပါ။
ဂျပန်ကနေသင်ကြားလာတဲ့နည်းစနစ်တွေနဲ့
ရှမ်းအသင်းကိုအကောင်းဆုံးဦးဆောင်မှု
ပေးပြီးနေရှင်နယ်လိဂ်ချန်ပီယံဆုကြီးကိုဆွတ်ခူးနိုင်ပါစေလို့။
Photo-Ye wint thu
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။