သရေ ရလဒ်နဲ့သာပြီးဆုံးခဲ့တဲ့ ရှော်ကေးနဲ့လေဗာကူဆင်

မနက်က ယှဉ်ပြိုင်ကစားခဲ့တဲ့ ဘွန်ဒက်လီဂါပွဲစဉ်မှာ ရှော်ကေးအသင်းနဲ့ လေဗာကူဆင်အသင်းတို့ဟာ တစ်ဖက်တစ်ဂိုးစီနဲ့ ပွဲပြီးဆုံးခဲ့တာလည်း ဖြစ်ပါတယ်။ရှော်ကေးအသင်းဟာ အဆင့် ၇ နေရာမှာ ရပ်တည်နေတာဖြစ်ပြီး လေဗာကူဆင်အသင်းကတော့ အဆင့် ၈ နေရာမှာ ရပ်တည်နေတာလည်းဖြစ်ပါတယ်။ရှော်ကေးအသင်းဟာ ရာသီအစမှာရလဒ်ကောင်း ရယူနိုင်ခဲ့ပေမဲ့ နောက်ဆုံးသုံးပွဲမှာတော့ ရလဒ်တွေဆိုးနေခဲ့တာဖြစ်ပါတယ်။

ရှော်ကေးအသင်းရဲ့ပွဲထွက်လူစာရင်းမှာတော့ အမ်ဘိုလို ၊ ဟာရစ်၊ ကိုနိုရန်ကာ၊ ဂေါ်ရက်ကာ၊ အော့ဇစ်ကာ ၊ဝက်စတမ်း၊ ကာလီဂွာရီ တို့ကို ထည့်သွင်းအသုံးပြုခဲ့တာလည်းဖြစ်ပါတယ်။လေဗာကူဆင်အသင်းရဲ့ပွဲထွက်လူစာရင်းမှာတော့ ဗော်လန်၊ အလာရီယို၊ ဘရန့်ဒ်၊ ချားလက်၊ ဘန်ဒါ၊ ဘယ်လာရာဘီ တို့ကို ထည့်သွင်းအသုံးပြုခဲ့တာလည်းဖြစ်ပါတယ်။နှစ်သင်းလုံးဟာ ခြေစွမ်းတူညီတဲ့အသင်းဖြစ်တာနဲ့အညီ ပွဲကိုလည်း အကောင်းဆုံး ထိန်းချူပ်ကစားသွားတာကိုလည်း တွေ့မြင်ရပါတယ်။

အဖွင့်ဂိုးကို အိမ်ရှင် ရှော်ကေးအသင်းက ရရှိခဲ့တာဖြစ်ပြီး ဒီဂိုးကိုတော့ ၃၄ မိနစ်မှာ ဂေါ်ရက်ကာ ကသွင်းယူပေးခဲ့တာလည်းဖြစ်ပါတယ်။ပထမပိုင်းပြီးဆုံးတဲ့အချိန်ထိ ရှော်ကေးအသင်းတစ်ဂိုးအသာနဲ့ ဦးဆောင် နိုင်ခဲ့ပါတယ်။ဒုတိယပိုင်းပြန်စလို့ ၆၁ မိနစ်မှာ ဘယ်လီ က လေဗာကူဆင်အသင်းအတွက် ချေပဂိုး ပြန်လည် သွင်းယူပေးနိုင်ခဲ့ပါတယ်။