တနင်္ဂနွေညမှာ ယှဉ်ပြိုင်ကစားမဲ့ ပရီးမီးယားလိဂ်ပွဲစဉ်မှာ အာဆင်နယ်အသင်းဟာ အိမ်ကွင်းမှာ တန်းတက် ဘရိုက်တန်အသင်းကို လက်ခံကစားသွားရမှာလည်းဖြစ်ပါတယ်။အာဆင်နယ်အသင်းဟာ ပွဲစဉ် ၆ အပြီးမှာ ရမှတ် ၁၀ မှတ်နဲ့ အဆင့် ၇ နေရာမှာ ရပ်တည်နေတာလည်းဖြစ်ပါတယ်။ဘရိုက်တန်အသင်း ကလည်း ပွဲစဉ် ၆ အပြီးမှာ ရမှတ် ၇ မှတ်နဲ့ အဆင့် ၁၃ နေရာမှာ ရပ်တည်နေတဲ့အသင်းလည်းဖြစ်ပါတယ်။ 

အာဆင်နယ်အသင်းရဲ့ နောက်ဆုံးငါးပွဲရလဒ်မှာတော့ ၄ ပွဲနိုင် ၁ ပွဲသရေ ရလဒ်ကို ပိုင်ဆိုင်ထားတာလည်းတွေ့မြင်ရပါတယ်။ဘရိုက်တန်အသင်းရဲ့နောက်ဆုံး ငါးပွဲရလဒ်မှာတော့ နှစ်ပွဲ ရှုံး နှစ်ပွဲနိုင် ၁ ပွဲသရေရလဒ်ကို ပိုင်ဆိုင်ထားခဲ့တာလည်းဖြစ်ပါတယ်။ပြီးခဲ့တဲ့ရက်က အာဆင်နယ်အသင်းဟာ ယူရိုပါလိဂ်ကန်ခဲ့ရတဲ့ဆိုပေမဲ့ လူငယ်တွေကိုသာနေရာပေးထားခဲ့တာကြောင့် ပွဲပယ်တဲ့ ဒဏ်ကို ခံထားရခြင်းမရှိတာကိုလည်း တွေ့မြင်ရပါတယ်။ 

အာဆင်နယ်အသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ လာကာဇတ်တီ ၊ ဆန်းချက်၊ ဘယ်လာရင်၊ ရမ်ဆေး၊ ဇာခါ၊ အယ်နီနီ၊ ကိုလာစီနက် တို့ကို ထည့်သွင်းအသုံးပြုသွားဖွယ်ရှိနေတာလည်းဖြစ်ပါတယ်။ဘရိုက်တန်အသင်းရဲ့ ပွဲထွက်လူစာရင်းမှာတော့ ဟဲလ်မက်၊ ဂရော့စ်၊ ပရီပါ၊ စတီဗင်၊ ဆိုလီမာ့စ်၊ နော့ခရက် တို့ကိုထည့်သွင်းအသုံးပြုသွားဖို့ရှိနေတာလည်းဖြစ်ပါတယ်။ခြေစွမ်းတည်ငြိမ်လာပြီဖြစ်တဲ့ အာဆင်နယ်အသင်းအနေနဲ့ အိမ်ကွင်းမှာ ဘရိုက်တန်အသင်းကို အနိုင်ယူသွားဖို့ရှိနေတာဖြစ်ပြီး ဂိုးပြတ်မပြတ်သာ စောင့်ကြည့်သွားရမှာလည်းဖြစ်ပါတယ်။

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။