အစားတစ်လိုင်းပရိသတ်ကြီးရေ သီတင်းကျွတ်ပိတ်ရက်က (၅)ရက်ကြီးတောင်ဆိုတော့ ဘာတွေစားမယ်လို့ တွေးနေပြီလား..။
ကိုယ့်ရဲ့ အိမ်မှာ ထမင်းဟင်းဖွယ်ဖွယ်ရာရာလေးကိုမှချက်စားချင်သူတွေအတွက် ထမင်းစားမြိန်ပြီး ကျန်းမာစေမယ့် အစားအစာတစ်မျိုးကို ညွှန်းချင်ပါတယ်။
အဲ့ဒါကတော့ ဆေးဘဲဥသုပ်ပါ။ ဘယ်လိုသုပ်ရမလဲ မသိသေးသူတွေအတွက် ဆေးဘဲဥသုပ်နည်းလေး ဖော်ပြလိုက်ပါတယ်။
ဆေးဘဲဥ................၃လုံး
ကြက်သွန်နီ.............၂လုံး
ခရမ်းချဉ်သီး.. ..........၁လုံး
မုန်လာဥနီ................၁လုံး
ဂေါ်ဖီထုပ်.................အနည်းငယ်
ငရုတ်သီးစိမ်း.. ..........၅တောင့်
သံပုရာသီး.................၂လုံး
ငရုတ်သီးဆီချက်..........၁ဇွန်း(လက်ဖက်စားဇွန်း)
ငရုတ်ဆော့စ်..............၁ဇွန်း(ထမင်းစားဇွန်း)
နှမ်းလှော်...................အနည်းငယ်
နံနံပင်.......................အနည်းငယ်
ကြက်သွန်နီ၊မုန်လာဥနီ၊ဂေါ်ဖီထုပ်တို့ကိုပါးပါးလှီးပြီးရေစိမ်ထားပါ။
ဇလုံအသေးတစ်ခုထဲမှာ ငရုတ်သီးစိမ်းပါးပါးလှီး၊ငရုတ်ဆီချက်၊ ငရုတ်ဆော့စ်၊သကြား၊ ဟင်းခတ်မှုန့်၊ဆားတို့ကိုထည့်ပြီးသံပုရာရည်ညှစ်ကာဆော့စ်ရည်ဖျော်ထားပါ။
ခရမ်းချဉ်သီးကို အဝိုင်းလိုက်ပါးပါးလှီးပြီးပြင်ဆင်မယ့်ပန်းကန်ပတ်လည်မှာစီခင်းပါ။
ရေစိမ်ထားတဲ့ကြက်သွန်နီ၊ဂေါ်ဖီအရောကိုရေစင်အောင်ညှစ်ပြီးခရမ်းချဉ်သီးအတွင်းပိုင်းမှာဖြန့်ခင်းပါ။
ဆေးဘဲဥတွေကိုအခွံခွာပြီး(၁)လုံးကို ၆စိတ်လောက်လှီးပြီးထည့်ပါ။
ဖျော်စပ်ထားတဲ့ ချဉ်ငံစပ်အရည်ကိုဆေးဘဲဥပေါ်သို့
နှံ့အောင်လောင်းထည့်ပါ။
နှမ်းလှော်လေးဖြူ းပြီးနံနံပင်လေးဖြင့်အလှဆင်ပါ။ဒါဆိုရင် ဘေးကလူတွေတောင် သရေကျပြီး စားချင်နေလောက်မှာပါ။
Source : Winnaingthein25
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။