မြောက်ကိုရီးယား မှ နျူးကလီးယား လက်နက်ဖြင့်တိုက်ခိုက်ပါက လူပေါငး် ၃ သန်းကျော်လောက်သေကြေဖွယ်ရှိ

ပန်တဂွန် မှ တာဝန်ရှိသူတွေ ဟာ ကိုရီးယားကျွန်းဆွယ်မှာ စစ်ဖြစ်ပွားခဲ့ပါက သေကြေပျက်စီးနိုင်တဲ့ ပမာဏကို တွက်ချက်ပြီး သတိပေးနေကြပါ။ ယခုထွက်ရှိလာတဲ့ အစီရင်ခံစာမှာ စစ်ဖြစ်ပွားပါက မြောက်ကိုရီးယား ရဲ့ နျူးကလီးယားလက်နက်ကြောင့် အိမ်နီးချင််း ဂျပန် နဲ့ တောင်ကိုရီးယားကို ထိခိုက််ပျက်စီးနိုင်ခြေကို အသေးစိတ်တွက်ချက်ထားပါတယ်။

အမေရိကန် နိုင်ငံ ဂျွန်ဟော့ကင်းတက္ကသိုလ်မှ လေ့လာဆန်းစစ်သူ Michael J. Zagurek Jr. က မြောက်ကိုရီးယားဆီမှာ နျူးကလီးယားလက်နက် ၂၅ခုထိရှိတယ်လို့ခန့်မှန်းထားပြီး ၁၅ကီလိုတန်ရှိတဲ့ နျူးကလီးယားထိပ်ဖူး (ဟီရိုရှီးမား မှာကြဲချခဲ့တဲ့ ပမာဏနဲ့တူညီ) ကနေ ၂၅၀ကီလိုတန် ရှိတဲ့ နျူးကလီးယားထိပ်ဖူး (စက်တင်ဘာလ ၃ရက်နေ့ကစမ်းသပ်ဖောက်ခွဲခဲ့တဲ့ ပမာဏပြင်းအား) အထိသယ်ဆောင်နိုင်ပါတယ်။ "တိုကျိုနဲ့ ဆိုးလ်ကို မြောက်ကိုရီးယား မှ နျူးကလီးယား လက်နက်ဖြင့်တိုက်ခိုက်ပါက လူပေါငး် ၃ သန်းကျော်လောက်သေကြေဖွယ်ရှိပါတယ်" လိို့အဆိုပါအစီရင်ခံစာမှာ Zagurek ကရေးသားထားပါတယ်။

မြောက်ကိုရီးယား အစိုးရပိုင် မီဒီယာများမှ ရေးသားတဲ့ ဆောင်းပါးတွေမှာတော့ မြောက်ကိုရီးယား ရဲ့ နျူးကလီးယား လက်နက်ပိုင်ဆိုင်လိုမှုဟာ အမေရိကန်ရဲ့ ရန်လိုမှုကြောင့်ဖြစ်ပြီး ကမ္ဘာ့ဇာတ်ခုံပေါ်မှာ နေရာတစ်ခုရခြင်လို့ဖြစ်တယ်လို့ ရေးသားထားပါတယ်။ တောင်ကိုရီးယားမှာ ရှိတဲ့ အမေရိကန်တပ်မှုးကြီးတစ်ဦးက မြောက်ကိုရီးယား နိုင်ငံတကာ လွှမ်းမိုးမှု ရရှိအောင် နျူးကလီးယားလက်နက်စွမ်းရည် ပိုင်ဆိုင်ထားလိုခြင်းဖြစ်ကြောင်းပြောကြားခဲ့ပါတယ်။

Source: Newsweek