ကိုရန်လေးလို့ ချစ်စနိုးခေါ်ကြတဲ့ မင်းသားရန်အောင်ကတော့ မကြီးစိုး ဇေရဲထက်တို့နဲ့ "ပင်လယ်လုပွဲ" ဆိုတဲ့ဇာတ်ကားကို သန်လျင်မှာရိုက်ကူးနေတယ်လို့သိရပါတယ် ။
သီတင်းကျွတ်အခါသမယဖြစ်တဲ့အတွက် ရိုက်ကွင်းမှာတင် မကြီးစိုးက သီတင်းကျွတ်ကန်တော့ပွဲလေးတစ်ခုလုပ်တဲ့အခါ အကန်တော့ခံရတဲ့ ရန်အောင်ခမျာ ပီတိဖြစ်ပြီး မျက်ရည်များတောင် ၀ဲတယ်လို့ဆိုပါတယ် ။
" ညီမတော် စိုးမြတ်သူဇာက သစ်သီးခြင်းများနှင့် မှတ်မှတ်ရရ ဂါရဝပြုတာကို မင်္ဂလာရှိစွာမြင်တွေ့ရလေသည်...(ဒီလိုရက် အချိန်ခါမှာ ကြုံရခဲတဲ့ အစ်ကိုနှစ်ယောက်ကို ကန်တော့တာပါ၊ကာယကံ,ဝစီကံ,မနောကံ နှင့်ပြစ်မှားမိခဲ့သည်ရှိသော် ခွှင့်လွှတ်ပေးပါ အစ်ကိုများရှင်... ဆိုပြီး ဦးချလိုက်တဲ့အခါ...ပီတိမျက်ရည်များပင် ဝဲမိလေတော့သည်...) " လို့ ရန်အောင်က ပျော်ရွှင်စရာကောင်းတဲ့ ပုံလေးတွေနဲ့ အတူ ပြောထားခဲ့တာပါ ။ ရန်အောင်နဲ့အတူ ရဲအောင်လဲ ၀င်ကန်တော့ခံခဲ့ပြီး
ထိုဇာတ်ကားမှာ ပါ၀င်သရုပ်ဆောင်နေတဲ့ ဇေရဲထက်ကလည်း ကန်တော့ချင်တယ် လို့ဆိုတာ ၀င်ကန်တော့ ခဲ့တာမို့ ကန်တော့ပွဲလေးက မြိုင်ဆိုင်သွားခဲ့ပါတယ် ။
ကန်တော့ပြီး မုန့်ဖိုးတောင်းနေတဲ့ မကြီးစိုးနဲ့ ဇေရဲထက်တို့ကို စိတ်ကျေနပ်အောင် ကိုရန်လေးက မုန့်ဖိုးတွေတောင်ပေးခဲ့သေးတယ်လို့ဆိုပါတယ် ။
လပိုင်းကြီးတဲ့ ကိုရဲအောင်ကို ရန်အောင်က ကန်တော့စဉ်မှာတော့ ကိုရဲအောင်က ဆုတွေတောင်းပေးပြီး မုန့်ဖိုးပြန်လည်ပေးခဲ့ပါတယ် ။
သီတင်းကျွတ်နဲ့ မုန့်ဖိုးဆိုတာတော့ ခွဲမရဘူးမဟုတ်ပါလား ... ပရိတ်သတ်ကြီးရော သီတင်းကျွတ်မုန့်ဖိုးရပြီးကြပြီလားဗျိုး ?
သတင်းအရင်းမြစ် Yan Aung
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။