ခရစ်စတယ်ပဲလေ့စ် အိမ်ကွင်းမှာ သွားရောက်ကစားရမဲ့ ချဲလ်ဆီး(ပွဲကြိုသုံးသပ်ချက်)

ယနေ့ည ၈း၃၀ မှာယှဉ်ပြိုင်ကစားမဲ့ ပရီးမီးယားလိဂ်ပွဲစဉ်မှာ ခရစ်စတယ်ပဲလေ့စ် အသင်းဟာ အိမ်ကွင်းမှာ ချဲလ်ဆီးအသင်းကို လက်ခံကစားသွားရမှာလည်းဖြစ်ပါတယ်။နိုင်ပွဲတစ်ပွဲမှ မရရှိသေးတဲ့ ခရစ်စတယ်ပဲလေ့စ် အသင်းဟာ ရမှတ် ၀ နဲ့ ဇယားအောက်ဆုံးမှာ ရပ်တည်နေတာလည်းဖြစ်ပါတယ်။ချဲလ်ဆီးအသင်းကတော့ ပွဲစဉ် ၇ အပြီးမှာတော့ ရမှတ် ၁၃ မှတ်နဲ့ အဆင့် ၄ နေရာမှာရပ်တည်နေတာလည်းဖြစ်ပါတယ်။ 

ခရစ်စတယ်ပဲလေ့စ် အသင်းရဲ့နောက်ဆုံးငါးပွဲရလဒ်မှာတော့ လေးပွဲရှုံး တစ်ပွဲနိုင်ရလဒ်ကို ပိုင်ဆိုင်ထားတာလည်းဖြစ်ပါတယ်။ချဲလ်ဆီးအသင်းရဲ့ နောက်ဆုံး ငါးပွဲရလဒ်မှာတော့ သုံးပွဲနိုင် တစ်ပွဲသရေ တစ်ပွဲရှုံး ရလဒ်ကို ပိုင်ဆိုင်ထားခဲ့တာလည်းဖြစ်ပါတယ်။မိုရာတာ၊ ကန်တေ စတဲ့အဓိကကစားသမားတွေကတော့ ဒဏ်ရာပြသာနာတွေကြောင့်ပါဝင်ကစားသွားမှာမဟုတ်ပါဘူး။ 

ချဲလ်ဆီးအသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ ဘတ်ရှုအာရီ ၊ဖာဘရီဂတ်၊ ဟာဇတ်၊ ဘာကာယိုကို၊ ပတ်ဒရို၊မော့ဆက်၊ အလွန်ဆိုတို့ကို ထည့်သွင်းအသုံးပြုသွားဖို့ရှိနေတာလည်းဖြစ်ပါတယ်။ခရစ်စတယ်ပဲလေ့စ် အသင်းရဲ့ဖြစ်နိုင်ဖွယ်ပွဲထွက်လူစာရင်းမှာတော့ ဘန်တီကီ၊ တောင်ဆန်၊ ကာဘာရီ၊ မက်အောသာ၊ ပန်ချီအွန် တို့ကိုထည့်သွင်းကစားသွားဖို့ရှိနေတာလည်းဖြစ်ပါတယ်။ခရစ်စတယ်ပဲလေ့စ်အသင်းဟာ နိုင်ပွဲမရရှိသေးခဲ့တာကြောင့် ရုန်းကန်သွားဖို့ရှိနေတာဖြစ်ပြီးချဲလ်ဆီးအသင်းရဲ့တိုက်စစ်ကိုမထိန်းချူပ်နိုင်ခဲ့ရင်တော့ ပဲလေ့စ်အသင်းအတွက် အမှတ်ဗလာပွဲ ဖြစ်သွားနိုင်ဖွယ်ရှိနေတာလည်းဖြစ်ပါတယ်။