ဂျက်ဟေးနက်ရဲ့ပွဲဦးထွက်မှာ အနိုင်ယူပြမယ့် ဘိုင်ယန်မြူးနစ်(ပွဲကြိုသုံးသပ်ချက်)

ယနေ့ည ၈ နာရီမှာ ကစားမဲ့ ဘွန်ဒက်လီဂါ ပွဲစဉ်မှာ ဘိုင်ယန်မြူးနစ်အသင်းဟာ ဖရိုင်းဘတ်အသင်းကို အိမ်ကွင်းမှာ လက်ခံကစားသွားရမှာလည်းဖြစ်ပါတယ်။ဘိုင်ယန်မြူးနစ်အသင်းဟာ နည်းပြအန်ဆယ်လော့တီကို ထုတ်ပယ်ခဲ့ပြီးနောက် သူတို့အသင်းရဲ့ အရင်နည်းပြဟောင်းဖြစ်ခဲ့ဖူးတဲ့ ဂျက်ဟေးနက်ကို ပြန်လည်ကိုင်တွယ်ဖို့တာဝန်ပေးခဲ့တာလည်းဖြစ်ပါတယ်။ဂျက်ဟေးနက် ပြန်လည်ကိုင်ကွယ်မယ့် ပွဲဦးထွက်မှာ ဖရိုင်းဘတ်အသင်းနဲ့ တွေ့ဆုံနေတာလည်းဖြစ်ပါတယ်။

ိဘိုင်ယန်မြူးနစ်အသင်းဟာ ပွဲစဉ် ၇ ပွဲကစားခဲ့ပြီးနောက် ရမှတ် ၁၄ မှာရရှိထားကာ အဆင့် ၂ နေရာမှာ ရပ်တည်နေတာလည်းဖြစ်ပါတယ်။ဇယားထိပ်ဆုံးက ဒေါ့မွန်အသင်းနဲ့ ၅ မှတ်ကွာဟနေတာလည်းဖြစ်ပါတယ်။ဖရိုင်းဘတ်အသင်းကတော့ ၇ ပွဲကစားပြီးချိန်မှာ ၇ မှတ်သာရရှိထားခဲ့ပြီး အဆင့် ၁၅ နေရာမှာ ရပ်တည်နေတာလည်းဖြစ်ပါတယ်။ဆရာနဲ့တပည့်ဟောင်းတွေ ပြန်လည်ပေါင်းစည်းလာခဲ့တဲ့ ပွဲမှာ ဘိုင်ယန်အသင်း ဘာတွေလုပ်ပြနိုင်မလဲဆိုတာတော့ စိတ်ဝင်စားဖို့တော့ကောင်းတယ်ဗျာ။

ဘိုင်ယန်မြူးနစ်အသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ လီဝန်ဒေါစကီး၊ သောမက်မူလာ၊ရော်ဘင်၊ ဂျိန်းရိုဒရီဂွက် ၊တိုလီဆို၊ ဂျာဗီမာတီနက် တို့ကို ပွဲထုတ်သွားဖွယ်ရှိနေတာလည်းဖြစ်ပါတယ်။ဖရိုင်းဘတ်အသင်းရဲ့ ဖြစ်နိုင်ဖွယ်ပွဲထွက်လူစာရင်းမှာတော့ တာရက်ဇီနို၊ ဟာဘာရီယာ၊ ဖလော်ရီယန်၊ စတန်ဇယ်၊ ဖရက်၊ ဟော်ဖလာ၊ ဂန်တာ တို့ကိုထည့်သွင်းအသုံးပြုသွားဖွယ်ရှိနေတာဖြစ်ပါတယ်။ဆရာဟောင်း ဂျက်ဟေးနက်ရဲ့ ပွဲဦးထွက် လှပအောင် တပည့်ဟောင်းတွေကတော့ ဒီပွဲကို အနိုင်ယူပေးသွားဖို့ အဆင်သင့် ရှိနေလောက်ပြီလို့လည်း ထင်မိပါတယ်။ဘိုင်ယန် အနိုင်ပါပဲ။