တောမီးလောင်မှုကြောင့် ပေါ်တူဂီတွင် သေဆုံးသူဦးရေ ၃၆ ဦးရှိလာ

အောက်တိုဘာ ၁၅ ရက်နေ့က ပေါ်တူဂီနိုင်ငံရဲ့ နေရာအနှံ့အပြားမှာ တောမီးလောင်မှုကျွမ်းမှု ၅၂၃ ခု ဖြစ်ပွားခဲ့ပါတယ်။ထိုတောမီးလောင်ကျွမ်းမှုတွေထဲမှ နိုင်ငံ မြောက်ပိုင်းနှင့် အလယ်ပိုင်း တို့ဟာ အဆိုးဆုံးလောင်ကျွမ်းမှုတွေ အဓိကဖြစ်ပေါ်ခဲ့တယ်လို့ သိရှိရပါတယ်။ပေါ်တူနိုင်ငံမှာ လက်ရှိဖြစ်ပွားနေတဲ့ တောမီးလောင်ကျွမ်းမှုတွေကြောင့် သေဆုံးသူ ဦးရေ ၃၆ ယောက်ထိရှိလာခဲ့ပြီလည်းဖြစ်ပါတယ်။ဒါ့အပြင်သေဆုံးသူဦးရေတွေဟာ ဆက်လက်မြင့်တတ်လာနိုင်တယ်လို့ အမျိုးသားပြည်သူ့ကာကွယ်ရေးအာဏာပိုင်အဖွဲ့(ANPC )က အောက်တိုဘာ ၁၆ ရက်နေ့မှ ပြောကြားခဲ့တာလည်းဖြစ်ပါတယ်။

ဆက်လက်ပြီး ANPC က" Coimbra , Aveiro, Castelo Branco နှင့် Viseu ခရိုင်တွေမှာ ဖြစ်ပွားခဲ့တဲ့ တောမီးလောင်ကျွမ်းမှုတွေကြောင့် လူ ၃၆ ဦးသေဆုံးခဲ့ရတာဖြစ်ပြီး လက်ရှိမှာ လူ ၇ ဦးပျောက်ဆုံးနေကာ ၅၆ ဦး ထိခိုက်ဒဏ်ရာရရှိထားခဲ့တာလည်းဖြစ်ပါတယ်။ဒဏ်ရာရရှိသူတွေထဲမှ ၁၆ ယောက်ဟာ အခြေအနေစိုးရိမ်ရတယ်လို့" ပြောကြားခဲ့ပါတယ်။

မီးသတ်သမားများဟာ နောက်ဆုံးအခြေအနေထိ တောမီးလောင်မှုကို ထိန်းချူပ်သွားရန် အဆက်မပြတ် ကြိုးစားနေကြောင်းလည်း သိရပါတယ်။လက်ရှိမှာ သဘာဝဘေးအန္တရာယ်ဖြစ်ရပ်များကို လေ့လာပြီးပြင်ဆင်ရန် ပျက်ကွက်ခဲ့တဲ့ အတွက် ပေါ်တူဂီအစိုးရကို စွပ်စွဲပြစ်တင်မှုများရှိနေခဲ့တာလည်းဖြစ်ပါတယ်။ဒါ့အပြင် ပြည်ထဲရေးဝန်ကြီးကိုလည်းတာဝန်မှ နူတ်ထွက်ပေးရန် တောင်းဆိုမှုတွေပြုလုပ်နေတယ်လို့လည်း သိရှိရပါတယ်။

SOURCE - CHINA XINHUA NEWS