သရေတစ်မှတ်စီခွဲယူခဲ့ကြတဲ့ ရီးရဲလ်မက်ဒရစ်နဲ့ စပါး

မနက်ကယှဉ်ပြိုင်ကစားခဲ့တဲ့ ချန်ပီယံလိဂ်အုပ်စုပွဲစဉ်မှာ ရီးရဲလ်မက်ဒရစ်အသင်းနဲ့ စပါးအသင်းတို့ဟာ တစ်ဖက်တစ်ဂိုးစီနဲ့ သရေကျခဲ့တာလည်းဖြစ်ပါတယ်။အုပ်စုတွင်း ပြိုင်ဘက် ဒေါ့မွန်အသင်းကတော့ ရီးရဲလ်မက်ဒရစ်နဲ့ စပါးအသင်းတို့ တွေ့ဆုံနေတာကို အခွင့်ကောင်းမယူနိုင်ခဲ့ပဲ့ အေပိုလ်းအသင်းကို သရေသာကန်နိုင်ခဲ့တာလည်းဖြစ်ပါတယ်။ဒါကြောင့် ရီးရဲလ်မက်ဒရစ်အသင်းနဲ့ စပါးအသင်းဟာ ဒေါ့မွန်အသင်း ကို ၆ မှတ် စီ အမှတ်ဖြတ်ထားနိုင်ခဲ့တာလည်းဖြစ်ပါတယ်။

ရီးရဲလ်မက်ဒရစ်အသင်းရဲ့ ပွဲထွက်လူစာရင်းမှာတော့ စီရော်နယ်ဒို၊ အစ္စကို၊ ဘန်ဇီမာ၊ ကရူး ၊ကတ်စမဲရိုး၊ မိုဒရစ်တို့ကို ထည့်သွင်းအသုံးပြုခဲ့တာလည်းဖြစ်ပါတယ်။စပါးအသင်းရဲ့ ပွဲထွက်လူစာရင်းမှာတော့ ဟာရီကိန်း၊ အဲရစ်ဆင်၊ လော်ရန်တေး၊ ဆစ်ဆိုခို၊ ဟယ်ရီဝင့်ခ်၊ အဲရစ်ဒိုင်ယာ တို့ကိုထည့်သွင်းအသုံးပြုခဲ့တာလည်းဖြစ်ပါတယ်။ရီးရဲလ်မက်ဒရစ်အသင်းဟာ ဘောလုံးပိုင်ဆိုင်မှုအသာနဲ့ ထိုးဖောက်ကစားခဲ့ပေမဲ့ စပါးအသင်းရဲ့ မာမာထန်ထန် တုံ့ပြန်မှုကြောင့် သရေရလဒ်နဲ့သာ ပြီးဆုံးခဲ့တာလည်းဖြစ်ပါတယ်။ 

စပါးအသင်းက အဖွင့်ဂိုးစတင်ရရှိခဲ့ပြီး ဒီဂိုးကိုတော့ ၂၈ မိနစ်မှာ ဟာရီကိန်းကန်သွင်းလိုက်တဲ့ဘောလုံးကို ဟန့်တားလိုက်ရင်း ဗာရာနီက ကိုယ့်ဂိုးကို သွင်းယူမိခဲ့တာလည်းဖြစ်ပါတယ်။၄၃ မိနစ်မှာတော့ ကရူးကို စပါးနောက်တန်းကစားသမား အော်ရီယာ ဟန့်တားရာမှာ အနည်းငယ်ကြမ်းတမ်းခဲ့တာကြောင့် ဒိုင်လူကြီးက ပယ်နယ်တီသတ်မှတ်ပေးခဲ့တာလည်းဖြစ်ပါတယ်။ဒီပယ်နယ်တီကိုတော့ စီရော်နယ်ဒိုက ကန်သွင်းယူခဲ့တာဖြစ်ပြီး ရီးရဲလ်မက်ဒရစ်အသင်းအတွက်ချေပဂိုး သွင်းယူပေးခဲ့တာလည်းဖြစ်ပါတယ်။