ကြမ်းပိုးအန္တရာယ်ကာကွယ်ရေးနည်လမ်းများ

ကြမ်းပိုးလို့ပြောလိုက်တာနဲ့အကောင်သေးသေးလေးနဲ့အနံ့ နံပြီးတော်တော်ဒုက္ခပေးတဲ့ ဂြိုလ်သားဆိုတာအားလုံးသိပြီးကြမည်ဖြစ်ပါတယ်။ကြမ်းပိုးဟာအိပ်ယာတွေ,သစ်သားခုံကြားတွေ,အိမ်ကြမ်းခင်းကြားတွေမှာ အများဆုံးနေထိုင်တက်ပြီးသွေးစုပ်သတ္တဝါတစ်မျိုးဖြစ်တဲ့ ကြမ်းပိုးဒုက္ခပေးမှုကြောင့်ညဘက်အိပ်ရေးပျက်နေရသူတွေလဲအများကြီးရှိပါတယ်။ ကြမ်းပိုးဟာတော်ရုံနဲ့လဲမသေနိုင်ပဲအသက်ပြင်းတဲ့သတ္တဝါစာရင်းထဲမှာပါဝင်တယ်လို့သိရပါတယ်။ရေထဲမှာလဲအချိန်ကြာမြင့်စွာအသက်ရှင်နိုင်ပြီးလူတွေရဲ့သွေးကို၃လတိတိမစုပ်ပဲတောင်အသက်ရှင်နိုင်ပါတယ်လို့လေ့လာမှုအရသိရပါတယ်။ကြမ်းအန္တရာယ်ကိုကာကွယ်ဖို့ဓာတုဆေးနည်းတွေထက် ဘေးထွက်ဆိုးကျိုးကင်းပြီးလွယ်ကူရိုးရှင်းတဲ့အိမ်သုံးပစ္စည်းလေးတွေနဲ့ကြမ်းပိုးအန္တရယ်ကာကွယ်နိုင်မယ့်သဘာဝနည်းလမ်းလေးများကိုလဲပရိသတ်ကြီးအတွက်မျှဝေပေးလိုက်ပါတယ်။

(၁)အဝတ်လျော်ရာမှာအသုံးပြုတဲ့ဆပ်ပြာမှုန့်,ဆပ်ပြာကရင်မ်တစ်မျိုးမျိုးကိုရေနဲ့ဖျော်ပြီးကြမ်းပိုးရှိတဲ့နေရာများကိုဖြန်းပေးပါ။

(၂)ဒူးရင်းသီးဟာထူးခြားပြင်းထန်တဲ့အနံ့ရှိတဲ့အတွက်အဲ့ဒီအနံ့ကိုကြမ်းပိုးတွေကြောက်ကြပါတယ်။ဒူးရင်းသီးအခွံကိုအိပ်ယာကုတင်ဘေး၊အိပ်ယာခင်းအောက်၊ခေါင်းအုံးအောက်တွေမှာထားပါ။ဒူးရင်းသီးအနံံ့မခံနိုင်တဲ့သူများကတော့အိပ်ခါနီးဖယ်အိပ်နိုင်ပါတယ်။

(၃)မြင်းသားအဆီကိုဆီမီးခွက်ထဲထည့်ပြီးမီးထွန်းထားရင်လဲ အဲ့ဒီအနံ့ကိုကြမ်းပိုးတွေကြောက်ကြပါတယ်။

(၄) အဝတ်ဘီရိုတွေထဲမှာထည့်နေကြဖြစ်တဲ့ပရုပ်လုံးများကိုလဲ ခေါင်းအုံး၊စောင်၊ ခြံထောင်နဲ့ အိပ်ယာဘေးမှာ ထည့်ထားပါ။ ပရုပ်လုံးအနံ့ကိုလဲဂျပိုးတွေကြောက်ကြပါတယ်။

(၅)ကြောင်မန်းရွှက် အနံ့ဟာလဲကြမ်းပိုးတွေကိုပြေးစေတာကြောင့် အိပ်ယာအောက်တွင်ထည့်ထားနိုင်ပါတယ်။

(၆)ကြမ်းကြားထဲမှာရှိနေတဲ့ကြမ်းပိုးတွေအတွက်ကတော့ ဖယောင်းကော်ဇောခင်းပါ။ဖယောင်းကော်ဇောအနံ့ကိုကြမ်းပိုးတွေကြောက်ကြပါတယ်။

(၇)နောက်ဆုံးတစ်ခုအနေနဲ့အသင့်ပြုလုပ်ထားတဲ့ဖြန်းဆေးတွေကိုပဲအလွယ်တကူသုံးချင်ပါတယ်ဆိုတဲ့ပရိသတ်ကြီးအတွက် Red Bugs Killer(ကြမ်းပိုးဖြန်းဆေး) ကိုဝယ်ယူသုံးစွဲနိုင်ပါတယ်။ဖြန်းဆေးကို ကလေးတွေနဲ့ဝေးရာမှာထားရမှာဖြစ်ပြီး ဖြုန်းဆေးအသုံးပြုတဲ့အခါမှာလဲ Mask(နှာခေါင်းစည်း)ကိုတပ်ဆင်အသုံးပြုဖိုု့လဲလိုပါတယ်။ကြမ်းပိုးဖြန်းဆေးဟာခြင်ဆေးထက်အဆပေါင်းများစွာပိုအန္တရာယ်များတဲ့အတွက်ဆေးဖြုန်းအသုံးပြုပြီးတဲ့အခါမှာလဲလက်ကိုစင်ကြယ်စွာသန့်စင်ဆေးကြောဖို့လဲလိုပါတယ်။

ပရိသတ်တွေအားလုံးအပေါ်ကညွန်ပြခဲ့တဲ့သဘာဝနည်းလမ်းလေးတွေနဲ့ ကြမ်းပိုးအန္တရာယ်ကာကွယ်နိုင်ပြီးအိပ်ရေးဝဝအိပ်စက်နိုင်ကြပါစေ။ပရိသတ်ကြီးကို ဒုက္ခပေးနေတဲ့ကြမ်းပိုးတွေကို တာ့တာလို့နှုတ်ဆက်လိုက်ကြရအောင်။