အိမ်ရှင်အားနဲ့မြန်မာကိုဖိကစားမယ်ဆိုတဲ့ကမ္ဘောဒီးယား
ဒီနေ့ညနေခြောက်နာရီမှာမြန်မာယူ-19ဟာအာရှဖလား
ခြေစစ်ပွဲအုပ်စုဒုတိယပွဲစဉ်အဖြစ်ကမ္ဘောဒီးယားနဲ့
ကစားရမှာပါ။ပြီးခဲ့တဲ့ပွဲစဉ်အရမြန်မာကဖိလစ်ပိုင်ကို
ခြောက်ဂိုးပြတ်နဲ့နိုင်ထားပြီးကမ္ဘောဒီးယားကတော့တရုတ်ကို
တစ်ဂိုးဂိုးမရှိနဲ့ရှုံးနိမ့်ထားတာပါ။တရုတ်ကိုမိနစ်90ပြည့်တောင့်ခံကစားပြီးအဖိုးတန်
သရေတစ်မှတ်ရဖို့နီးစပ်ခဲ့ပေမယ့်နောက်တန်းကစားသမား
ကင်ချာရာရဲ့အမှားကနေဂိုးပေးလိုက်ရပြီးရှုံးနိမ့်ခဲ့ရတာပါ။ဒီနေ့ညနေမှာတော့
ဒီနှစ်သင်းရဲ့အရေးကြီးပွဲစဉ်အဖြစ်ကစားကြတော့မှာပါ။
ခမာနာမည်ကြီးသတင်းစာဖြစ်တဲ့The Morning ဟာ
မြန်မာအသင်းဟာအသင်းကောင်းတစ်ကောင်းဖြစ်ပြီး
အနိုင်ရဖို့ခက်ခဲပေမယ့်အိမ်ကွင်းမှာပရိသတ်အင်အားနဲ့
ဖိကစားရင်အနိုင်ရနိုင်တယ်လို့ပြောပါတယ်။ကမ္ဘောဒီးယား
ဟာမြန်မာကိုနိုင်ချင်ရင်စိတ်ဓာတ်ကောင်းကောင်းနဲ့ယုံကြည်မှအပြည့်နဲ့သာကစားနိုင်ရင်မြန်မာကိုမနိုင်စရာမရှိဘူးလို့
ပြောပါတယ်။မြန်မာအသင်းဟာလည်းခြေစစ်ပွဲအောင်မြင်ဖို့
ကမ္ဘောဒီးယားဆီကအမှတ်ရဖို့လိုအပ်နေသလိုကမ္ဘောဒီးယား
ကလည်ခြေစစ်ပွဲအောင်မြင်ဖို့မျှော်လင့်ချက်ဆက်လက်ရှင်သန်ဖို့မြန်မာကိုအနိုင်ရဖို့လိုပါတယ်။
ခမာပရိသတ်တွေဟာဘောလုံးကိုချစ်မြတ်နိုးကြသူတွေဖြစ်ပြီး
အားပေးကြမ်းသူတွေအဖြစ်နာမည်ကြီးပါတယ်။ဖနွမ်းပင်က
အိုလံပစ်ကွင်းကြီးထဲမှာကမ္ဘောဒီးယားဘောလုံးအသင်းတွေ
ကစားတိုင်းကွင်းလုံးပြည့်လျှံအားပေးလေ့ရှိကြပါတယ်။
ဒီနေ့ညနေမှာလည်းကမ္ဘောဒီးယားယူ-19ကိုအား
ပေးဖို့ပရိသတ်တွေအများကြီးလာရောက်ကြဖို့ရှိပါတယ်။
မြန်မာအသင်းအနေနဲ့ပရိသတ်ဖိအားပေးမှုကိုမမှုပဲ
ခမာတယအသင်းကိုနိုင်ပွဲရယူသွားနိုင်မလားဆိုတာကိုတော့..
source-The Morning
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။